ನಾವು ಅಧಿಕಾರಕ್ಕೆ ಬಂದರೆ ತ್ರಿವಳಿ ತಲಾಕ್‌ ಕಾನೂನು ರದ್ದು: ಕಾಂಗ್ರೆಸ್

ಹೊಸದಿಲ್ಲಿ : 2019ರ ಲೋಕಸಭಾ ಚುನಾವಣೆಯಲ್ಲಿ ತಾನು ಗೆದ್ದು ಅಧಿಕಾರಕ್ಕೆ ಬಂದರೆ ತ್ರಿವಳಿ ತಲಾಕ್‌ ಕಾನೂನನ್ನು ರದ್ದುಪಡಿಸುವುದಾಗಿ ಕಾಂಗ್ರೆಸ್‌ ಪಣ ತೊಟ್ಟಿದೆ.

ತ್ರಿವಳಿ ತಲಾಕ್‌ ಮಸೂದೆಯಡಿ ಮುಸ್ಲಿಂ ಪುರುಷರು ದಿಢೀರ್‌ ತಲಾಕ್‌ ನೀಡುವುದು ಕ್ರಿಮಿನಲ್‌ ಅಪರಾಧವಾಗಿದ್ದು ಅದಕ್ಕೆ ಮೂರು ವರ್ಷಗಳ ಜೈಲು ಶಿಕ್ಷೆ ಇದೆ. 

ತ್ರಿವಳಿ ತಲಾಕ್‌ ಕಾನೂನನ್ನು ರದ್ದುಪಡಿಸುವ ಕಾಂಗ್ರೆಸ್‌ ಸಂಕಲ್ಪವನ್ನು ಮಹಿಳಾ ಕಾಂಗ್ರೆಸ್‌ ಅಧ್ಯಕ್ಷೆ ಸುಶ್ಮಿತಾ ದೇವ್‌ ಅವರು ಇಂದು ಗುರುವಾರ ದಿಲ್ಲಿಯಲ್ಲಿ ನಡೆದ ಎಐಸಿಸಿ ಅಲ್ಪ ಸಂಖ್ಯಾಕ ವಿಭಾಗದ ರಾಷ್ಟ್ರೀಯ ಸಮಾವೇಶದಲ್ಲಿ  ಪ್ರಕಟಿಸಿದರು.

ತ್ರಿವಳಿ ತಲಾಕ್‌ ಮಸೂದೆಯನ್ನು ತರುವ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ಮುಸ್ಲಿಂ ಪುರುಷರು ಮತ್ತು ಮಹಿಳೆಯರ ನಡುವೆ ಸಂಘರ್ಷವನ್ನು ತಂದಿಟ್ಟಿದ್ದಾರೆ ಎಂದು ದೇವ್‌ ಹೇಳಿದರು.