Rajasthan: ಕಾಂಗ್ರೆಸ್‌ ಸರಕಾರ ರಚಿಸಿದ್ದ 9 ಜಿಲ್ಲೆಗಳು ರದ್ದು

ಜೈಪುರ: ರಾಜಸ್ಥಾನದ ಬಿಜೆಪಿ ಸರಕಾರವು ಹಿಂದಿನ ಕಾಂಗ್ರೆಸ್‌ ಸಿಎಂ ಅಶೋಕ್‌ ಗೆಹ್ಲೋಟ್ ಅವಧಿಯಲ್ಲಿ ರಚಿಸಲಾದ 17 ಜಿಲ್ಲೆ ಮತ್ತು 3 ಕಂದಾಯ ವಿಭಾಗಗಳ ಪೈಕಿ 9 ಜಿಲ್ಲೆಗಳು ಮತ್ತು 3 ವಿಭಾಗಗಳನ್ನು ವಿಸರ್ಜಿಸಲು ನಿರ್ಧರಿಸಿದೆ.

ತನ್ನ ಕೊನೆಯ ದಿನಗಳಲ್ಲಿ ಕಾಂಗ್ರೆಸ್‌ ಸರಕಾರ ಇವನ್ನು ರಚಿಸುವ ಮಹತ್ವದ ತೀರ್ಮಾನ ಕೈಗೊಂಡಿತ್ತು. ಇದು ಕೇವಲ ರಾಜಕೀಯ ಉದ್ದೇಶದಿಂದ ಮಾತ್ರ ಕೂಡಿತ್ತು ಎಂದು ಸಿಎಂ ಭಜನ್‌ಲಾಲ್‌ ಶರ್ಮಾ ಸರಕಾರ ಹೇಳಿದೆ.

ಈ ಬೆಳವಣಿಗೆ ಬಳಿಕ ರಾಜಸ್ಥಾನ 7 ವಿಭಾಗೀಯ ಕೇಂದ್ರ ಮತ್ತು 41 ಜಿಲ್ಲೆಗಳನ್ನು ಹೊಂದಿದೆ.