Jai Shah ಐಸಿಸಿ ಮುಖ್ಯಸ್ಥರಾದರೆ ಅರುಣ್‌ ಜೇಟ್ಲಿ ಪುತ್ರ ಬಿಸಿಸಿಐ ಕಾರ್ಯದರ್ಶಿ?

ಹೊಸದಿಲ್ಲಿ: ಸದ್ಯ ಬಿಸಿಸಿಐ ಕಾರ್ಯದರ್ಶಿಯಾಗಿರುವ ಅಮಿತ್‌ ಶಾ ಪುತ್ರ ಜಯ್‌ ಶಾ ಐಸಿಸಿಯ ಮುಂದಿನ ಮುಖ್ಯಸ್ಥರಾದರೆ, ಮಾಜಿ ಕೇಂದ್ರ ಸಚಿವ ಅರುಣ್‌ ಜೇಟ್ಲಿ ಪುತ್ರ ರೋಹನ್‌ ಜೇಟ್ಲಿ ಬಿಸಿಸಿಐ ಕಾರ್ಯದರ್ಶಿ ಸ್ಥಾನಕ್ಕೇರುವ ಸಾಧ್ಯತೆಯಿದೆ.

ಸದ್ಯ ರೋಹನ್‌ ದಿಲ್ಲಿ ಡಿಸ್ಟ್ರಿಕ್ಟ್ ಕ್ರಿಕೆಟ್‌ ಸಂಸ್ಥೆ (DDCA)ಯ ಅಧ್ಯಕ್ಷರಾಗಿದ್ದಾರೆ. ಬಿಸಿಸಿಐ ಕಾರ್ಯದರ್ಶಿ ಸ್ಥಾನಕ್ಕೆ ಪಶ್ಚಿಮ ಬಂಗಾಲ ಕ್ರಿಕೆಟ್‌ ಸಂಸ್ಥೆ ಮುಖ್ಯಸ್ಥ ಅವಿಷೇಕ್‌ ದಾಲ್ಮಿಯಾ ಪೈಪೋಟಿಯಲ್ಲಿದ್ದಾರೆ ಎನ್ನಲಾಗಿತ್ತು. ಈಗ ರೋಹನ್‌ ಹೆಸರು ಕೇಳಿ ಬರುತ್ತಿದೆ. ಈ ವರ್ಷಾಂತ್ಯದಲ್ಲಿ ಐಸಿಸಿ ನೂತನ ಮುಖ್ಯಸ್ಥ ಸ್ಥಾನಕ್ಕೆ ಚುನಾವಣೆ ನಡೆಯಲಿದೆ. ಜಯ್‌ ಶಾ ಆ ಹುದ್ದೆಗೇರಬಹುದು ಎನ್ನಲಾಗಿ ದ್ದರೂ, ಅವರಿನ್ನೂ ನಾಮಪತ್ರ ಸಲ್ಲಿಸಿಲ್ಲ. ಜಯ್‌ ಶಾ ಸ್ಪರ್ಧಿಸುತ್ತಾರೆ ಎನ್ನುವುದು ಇನ್ನೂ ಅಧಿಕೃತವಾಗಿಲ್ಲ. ಆದರೆ ಅವರ ಅವಧಿ ಬಿಸಿಸಿಐನಲ್ಲಿ ಮುಕ್ತಾಯದ ಹಂತಕ್ಕೆ ಬಂದಿದೆ. ಗರಿಷ್ಠವೆಂದರೆ ಇನ್ನೊಂದು ವರ್ಷ ಅವರು ಮುಂದುವರಿಯಲಿದ್ದಾರೆ. ಅನಂತರ ಅವರು ಕೆಳಕ್ಕಿಳಿಯಲೇ ಬೇಕಾಗಿರುವುದರಿಂದ ಐಸಿಸಿ ಹುದ್ದೆಗೇರುವ ನಿರೀಕ್ಷೆಯಿದೆ.