ನಾನು ಶಿವಭಕ್ತ ಎಂದ ರಾಹುಲ್‌

ಗಾಂಧಿನಗರ: ಉತ್ತರ ಗುಜರಾತ್‌ನ ಪ್ರವಾಸದಲ್ಲಿರುವ ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ತಮ್ಮ ಪ್ರವಾಸದ ಕೊನೆಯ ದಿನವಾದ ಸೋಮವಾರ ತಾವು ಶಿವಭಕ್ತ ಎಂದು ಹೇಳಿಕೊಂಡಿದ್ದಾರೆ. ಈ ಮೂಲಕ ದೇಗುಲ ರಾಜಕೀಯದ ಇನ್ನೊಂದು ಮೆಟ್ಟಿಲು ಏರಿದ್ದಾರೆ. ಮೆಹಸಾನಾ ಸಮೀಪದ ಬಹುಚಾರಾಜಿ ದೇಗುಲಕ್ಕೆ ಭೇಟಿ ನೀಡಿದ ಬಳಿಕ ಈ ಮಾತು ಗಳನ್ನಾಡಿದ್ದಾರೆ. ಪಿಎಂ ಮೋದಿ ವಿರುದ್ಧ ವಾಗ್ಧಾಳಿ ಮುಂದುವರಿಸಿದ ರಾಹುಲ್‌ ಎರಡು ದಶಕಗಳಿಂದ ಮ್ಯಾಜಿಕ್‌ ಮಾಡಿ ಗುಜರಾತ್‌ನಿಂದ ಮ್ಯಾಜಿಕ್‌ ಮಾಡುವ ಮೂಲಕ ಹಣವನ್ನು ನಾಪತ್ತೆ ಯಾಗುವಂತೆ ಮಾಡಿದ್ದಾರೆ. ಗುಜರಾತ್‌ನಲ್ಲಿ ಹೂಡಿಕೆ ಅನುಕೂಲವಿದೆ ಎಂದು 5-10ರಷ್ಟು ಉದ್ಯಮಿಗಳು ಮಾತ್ರ ಹೇಳುತ್ತಿದ್ದಾರೆ. ಹೆಚ್ಚಿನ ಮಂದಿ ಅಂಥಾ ವಾತಾವರಣವೇ ಇಲ್ಲವೆನ್ನುತ್ತಿದ್ದಾರೆ ಎಂದರು.

ವಿಡಿಯೋ ದೃಶ್ಯದಲ್ಲಿ ಹಾರ್ದಿಕ್‌?
ಪಟೇಲ್‌ ಸಮುದಾಯಕ್ಕೆ ಮೀಸಲಾತಿ ಗಾಗಿ ಹೋರಾಟ ನಡೆಸಿದ ಹಾರ್ದಿಕ್‌ ಪಟೇಲ್‌ಗೆ ಈಗ ಸೆಕ್ಸ್‌ ಸಿಡಿ ಹಗರಣ ಸುತ್ತಿಕೊಂಡಿದೆ. ಗುಜರಾತ್‌ ಸುದ್ದಿವಾಹಿನಿ ಯೊಂದು ಮಹಿಳೆ  ಯೊಂದಿಗೆ ಹಾರ್ದಿಕ್‌ ತಂಗಿದ್ದರು ಎಂದು ಹೇಳಲಾದ ವೀಡಿಯೋ ಒಂದನ್ನು ಪ್ರಸಾರ ಮಾಡಿದೆ. ಆದರೆ ಈ ವೀಡಿಯೋ ಹಾರ್ದಿಕ್‌ರದ್ದೇ ಎಂಬ ಬಗ್ಗೆ ಖಚಿತವಿಲ್ಲ. ಮೇ 16ರಂದು ಈ ಘಟನೆ ನಡೆದಿದೆ ಎಂದು ಹೇಳಲಾ ಗಿದೆ. ನಾನಿನ್ನೂ ಅವಿವಾಹಿತ. ಅಷ್ಟೇ ಅಲ್ಲ, ನಪುಂಸಕನಲ್ಲ. ಬಿಜೆಪಿ ಕೀಳು ರಾಜಕೀಯ ಕ್ಕಿಳಿದಿದೆ. ನನ್ನ ಹೆಸರು ಹಾಳು ಮಾಡಲು ಸೆಕ್ಸ್‌ ಸಿಡಿಯನ್ನು ಬಿಜೆಪಿ ಬಿಡುಗಡೆ ಮಾಡ ಲಿದೆ ಎಂದು ನಾನು ಈ ಹಿಂದೆಯೇ ಹೇ ಳಿದ್ದೆ ಎಂದು ಹಾರ್ದಿಕ್‌ ಪ್ರತಿಕ್ರಿಯಿಸಿದ್ದಾರೆ.