Hunasagi ಹೈಪವರ್ ವಿದ್ಯುತ್ ತಂತಿ ತಗುಲಿ ಯುವಕ ಮೃತ್ಯು

ಹುಣಸಗಿ: ತಾಲೂಕಿನ ಕೋಳಿಹಾಳ ಗ್ರಾಮದಲ್ಲಿ ಮನೆ ಮೇಲೆ ನೀರು ಹೊಡೆಯುವಾಗ ಮನೆ ಮೇಲೆ ಇದ್ದ ವಿದ್ಯುತ್ ಹೈಪವರ್ ತಂತಿ ತಗುಲಿ ಯುವಕ ಮೃತಪಟ್ಟ ಘಟನೆ ಶುಕ್ರವಾರ ಸಂಜೆ 6 ಗಂಟೆಗೆ ನಡೆದಿದೆ.

ಮೃತ ದುರ್ದೈವಿ ಮಲ್ಲಿಕಾರ್ಜುನ ಬಸಣ್ಣ ಬಿರಾದಾರ(23) ಎಂದು ತಿಳಿದು ಬಂದಿದೆ. ಮನೆ ಮೇಲೆ ನೀರು ಹೊಡೆಯಲು ಹೋದಾಗ ಮೇಲ್ಗಡೆಯಿಂದ ಹಾದು ಹೋಗಿದ್ದ ವಿದ್ಯುತ್ ತಂತಿ ತಗುಲಿ ಕೆಳಗಡೆ ಬಿದ್ದಿದಾನೆ, ತಕ್ಷಣ ಹುಣಸಗಿ ಸರಕಾರಿ ಆಸ್ಪತ್ರೆಗೆ ಚಿಕಿತ್ಸೆಗೆ ತಂದಾಗ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದಾರೆ. ಹುಣಸಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪಿಎಸ್‌ಐ ಭಾಗಣ್ಣ ತಡವಾಗಿ ತಿಳಿಸಿದ್ದಾರೆ.