Tragic: ಪತ್ನಿಗೆ ಹಲ್ಲೆ ಮಾಡಿದ ದೃಶ್ಯ ಕಂಡು ಹೃದಯಾಘಾತಕ್ಕೊಳಗಾದ ಪತಿ!

ಬೆಂಗಳೂರು: ಪತ್ನಿಗೆ ಮಾರಕಾಸ್ತ್ರದಿಂದ ಹಲ್ಲೆ ನಡೆಸಿರುವುದನ್ನು ಕಂಡು ಆತಂಕಗೊಂಡ ಪತಿ ಹೃದಯಾಘಾತಕ್ಕೊಳಗಾಗಿ ಮೃತಪಟ್ಟಿರುವ ಪ್ರಕರಣ ಚಂದ್ರಲೇಔಟ್‌ನ ಗಂಗೊಂಡ ನಹಳ್ಳಿಯಲ್ಲಿ ನಡೆದಿದೆ.

ಚಂದ್ರಲೇಔಟ್‌ನ ನಿವಾಸಿ ಮುದಾಸೀರ್‌ ಖಾನ್‌ ಮೃತ ವ್ಯಕ್ತಿ. ವಹೀದ್‌ ಆಹ್ಮದ್‌ ಹಾಗೂ ಆತನ ಸಹೋದರ ಮತೀನ್‌ ಬಂಧನ.

ಮುದಾಸಿರ್‌ ಖಾನ್‌ ಪತ್ನಿ ಜೊತೆಗೆ ಈ ಹಿಂದೆ ಆರೋಪಿ ವಾಹಿದ್‌ ಆತ್ಮೀಯನಾಗಿದ್ದ. ಈ ವಿಚಾರ ನಾಲ್ಕು ತಿಂಗಳ ಹಿಂದೆ ಪತಿಗೆ ಗೊತ್ತಾಗಿ ರಾಜಿ ಸಂಧಾನ ಮಾಡಲಾಗಿತ್ತು. ಇದಾದ ನಂತರ ಮುದಾ ಸಿರ್‌ ಪತ್ನಿಯ ಬಗ್ಗೆ ವಾಹಿದ್‌ ಕೆಟ್ಟದಾಗಿ ಹೇಳಿಕೊಂಡು ತಿರುಗಾಡುತ್ತಿದ್ದ. ಮುದಾಸಿರ್‌ ತನ್ನ ಪತ್ನಿ ಜೊತೆಗೆ ನ.2ರಂದು ವಾಹಿದ್‌ ಮನೆಗೆ ಹೋಗಿ ಈ ಬಗ್ಗೆ ಪ್ರಶ್ನೆ ಮಾಡಿದ್ದರು.

ಈ ವೇಳೆ ಮಹಿಳೆಗೆ ವಾಹಿದ್‌, ಸಹೋದರ ಮತೀನ್‌ ಜೊತೆ ಸೇರಿಕೊಂಡು ಮಚ್ಚಿನಿಂದ ಮಹಿಳೆಗೆ ಹಲ್ಲೆ ಮಾಡಿದ್ದ. ಈ ದೃಶ್ಯ ಕಂಡು ಮುದಾಸೀರ್‌ ಹೃದಯಾಘಾತ ಉಂಟಾಗಿ ಮೃತಪಟ್ಟಿದ್ದ ಎಂದು ಪತ್ನಿ ಚಂದ್ರಲೇಔಟ್‌ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.