Gas ಸೋರಿ ಹೊತ್ತಿ ಉರಿದ ಮನೆ; ಲಕ್ಷಾಂತರ ರೂ. ಹಾನಿ

ಬಂಟ್ವಾಳ: ಪುದು ಗ್ರಾಮದ ಕಬೆಲದ ಮನೆಯೊಂದರಲ್ಲಿ ಗ್ಯಾಸ್‌ ಸೋರಿಕೆಯಾದ ಪರಿಣಾಮ ಮನೆ ಹೊತ್ತಿ ಉರಿದು ಮೇಲ್ಛಾವಣಿ ಹಾಗೂ ಸೊತ್ತುಗಳು ಸೇರಿ ಲಕ್ಷಾಂತರ ರೂಪಾಯಿ ನಷ್ಟ ಉಂಟಾದ ಘಟನೆ ಗುರುವಾರ ರಾತ್ರಿ ನಡೆದಿದೆ.

ಕಬೆಲ ನಿವಾಸಿ ಉಮೇಶ್‌ ಪೂಜಾರಿ ಅವರಿಗೆ ಸೇರಿದ ಮನೆಯಲ್ಲಿ ಹೊನ್ನಪ್ಪ ಗೌಡ ಅವರ ಕುಟುಂಬ ಬಾಡಿಗೆ ನೆಲೆಯಲ್ಲಿ ವಾಸಿಸುತ್ತಿದ್ದಾರೆ. ಗುರುವಾರ ರಾತ್ರಿ ಅಡುಗೆ ಮಾಡುವುದಕ್ಕಾಗಿ ಗ್ಯಾಸ್‌ ಉರಿಸುವ ವೇಳೆ ಏಕಾಏಕಿ ಹೊತ್ತಿ ಉರಿದಿದ್ದು, ಗ್ಯಾಸ್‌ ಸೊರಿಕೆಯ ಪರಿಣಾಮ ಉರಿದಿದೆ ಎನ್ನಲಾಗಿದೆ.

ಘಟನಾ ಸ್ಥಳಕ್ಕೆ ಬಂಟ್ವಾಳ ಅಗ್ನಿಶಾಮಕ ದಳದವರು ಭೇಟಿ ನೀಡಿದ್ದು, ಸ್ಥಳೀಯರ ನೆರವಿನೊಂದಿಗೆ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮನೆಯ ಬಹುತೇಕ ಭಾಗದ ಮೇಲ್ಛಾವಣಿ ಹಾಗೂ ಸೊತ್ತುಗಳಿಗೆ ಹಾನಿಯಾಗಿದೆ.

ಗ್ರಾಮಕರಣಿಕೆ ಪರಿಶೀಲನೆ
ಘಟನ ಸ್ಥಳಕ್ಕೆ ಶುಕ್ರವಾರ ಗ್ರಾಮ ಕರಣಿಕೆ ಅಶ್ವಿ‌ನಿ ಅವರು ಭೇಟಿ ನೀಡಿ ಪರಿಶೀಲಿಸಿ ವರದಿ ಸಲ್ಲಿಸಿದ್ದಾರೆ. ಈ ವೇಳೆ ಗ್ರಾ.ಪಂ.ಸದಸ್ಯ ಪದ್ಮನಾಭ ಶೆಟ್ಟಿ ಪುಂಚಮೆ, ವಿಠಲ್‌ ಸಾಲ್ಯಾನ್‌, ದಿನೇಶ್‌ ಶೆಟ್ಟಿ ಕೊಟ್ಟಿಂಜ ಉಪಸ್ಥಿತರಿದ್ದರು.