ಮಹಿಳಾ ವಿವಿ ಗೌರವ ಡಾಕ್ಟರೇಟ್‌

ವಿಜಯಪುರ: ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯದ 9ನೇ ಘಟಿಕೋತ್ಸವದಲ್ಲಿ ಸಾಧಕಿಯರಾದ ಇಸ್ರೋ ವಿಜ್ಞಾನಿ ಟಿ. ಕೆ.ಅನುರಾಧಾ, ಶಿಕ್ಷಣತಜ್ಞೆ ಡಾಣ ಪಂಕಜಾ ಮಿತ್ತಲ್‌ ಅವರಿಗೆ ವಿವಿ ಕುಲಪತಿ ಡಾಣ ಸಬಿಹಾ ಭೂಮಿಗೌಡ ಗೌರವ ಡಾಕ್ಟರೇಟ್‌ ಪದವಿ ಪ್ರದಾನ ಮಾಡಿದರು. 

ಸೋಮವಾರ ವಿವಿ ಆವರಣದಲ್ಲಿ ಜರುಗಿದ 9ನೇ ಘಟಿಕೋತ್ಸವದಲ್ಲಿ ಗೌರವ ಡಾಕ್ಟರೇಟ್‌ ಪದವಿ ಪ್ರದಾನ ಮಾಡಲಾಯಿತು. ಶಶಿಕಲಾ ಗುರುಪುರ ಘಟಿಕೋತ್ಸವ ಭಾಷಣ ಮಾಡಿದರು. ಇದೇ ವೇಳೆ, ವಿವಿಧ ಸ್ನಾತಕ ಸ್ನಾತಕೋತ್ತರ ಅಧ್ಯಯನದಲ್ಲಿ ಗರಿಷ್ಠ ಅಂಕ ಪಡೆದ 56 ವಿದ್ಯಾರ್ಥಿನಿಯರಿಗೆ 66 ಚಿನ್ನದ ಪದಕ ವಿತರಿಸಲಾಯಿತು. 21 ವಿದ್ಯಾರ್ಥಿನಿಯರಿಗೆ ಪಿಎಚ್‌ಡಿ, 14 ವಿದ್ಯಾರ್ಥಿನಿಯರಿಗೆ ಎಂಫಿಲ್‌ ಪದವಿ ಪ್ರದಾನ ಮಾಡಲಾಯಿತು.