ಹೋಮ್ ಮಿನಿಸ್ಟರ್ ಟ್ರೈಲರ್: ಹೆಣ್ತನ ತೋರಿ ಕುತೂಹಲ ಮೂಡಿಸಿದ ಉಪ್ಪಿ!

ಬೆಂಗಳೂರು : ತನ್ನ ಚಿತ್ರಗಳ ಮೂಲಕ ಪ್ರೇಕ್ಷಕರಿಗೆ ಒಂದಲ್ಲಾ ಒಂದು ರೀತಿಯಲ್ಲಿ ತಲೆಗೆ ಹುಳ ಬಿಟ್ಟು ಭಿನ್ನ ವಿಭಿನ್ನ ಚಿತ್ರಗಳನ್ನು ಹೊರ ತಂದಿರುವ ರಿಯಲ್ ಸ್ಟಾರ್ ಉಪ್ಪಿ ಅವರ ಬಹುನಿರೀಕ್ಷಿತ ”ಹೋಮ್ ಮಿನಿಸ್ಟರ್” ಚಿತ್ರದ ಟ್ರೈಲರ್ ಸೋಮವಾರ ಬಿಡುಗಡೆಯಾಗಿದೆ.

“ಹೋಮ್‌ ಮಿನಿಸ್ಟರ್‌’ ಏ.01ರಂದು ಬಿಡುಗಡೆಯಾಗಲಿದ್ದು, ಟ್ರೈಲರ್ ವಿಶೇಷವಾಗಿ ಗಮನ ಸೆಳೆಯುತ್ತಿದ್ದು, ಚಿತ್ರದ ಕಥೆಯ ಕುರಿತಾಗಿ ಕುತೂಹಲ ಹೆಚ್ಚಾಗುವಂತೆ ಮಾಡಿದೆ.

ಉಪೇಂದ್ರ ಅವರು ಈಗಾಗಲೇ , ಇದು ನಾನು ಈವರೆಗೂ ಮಾಡಿರದ ಪಾತ್ರ ಎಂದಿದ್ದಾರೆ. ಚಿತ್ರದಲ್ಲಿ ವೇದಿಕಾ ನಾಯಕಿಯಾಗಿ ನಟಿಸಿದ್ದಾರೆ.

ಉಪೇಂದ್ರ ಚಿತ್ರದಲ್ಲಿ ಪತ್ರಕರ್ತ ನಾಗಿ ನಟಿಸಿದ್ದಾರೆ ಎಂದು ತಿಳಿದು ಬಂದಿದ್ದು, ಚಿತ್ರವನ್ನು ಸುಜಯ್‌ ಕೆ ಶ್ರೀ ಹರಿ ನಿರ್ದೇಶನ ಮಾಡಿದ್ದು, ಜಿಬ್ರಾನ್‌ ಸಂಗೀತವಿದೆ. ಪೂರ್ಣಚಂದ್ರ ನಾಯ್ಡುಹಾಗೂ ಶ್ರೀಕಾಂತ್‌ ವೀರಮಾಚನೆನಿ ನಿರ್ಮಾಪಕರಾಗಿದ್ದಾರೆ.

ಕರ್ನಾಟಕದಾದ್ಯಂತ ಸುಮಾರು 350ಕ್ಕೂ ಅಧಿಕಚಿತ್ರಮಂದಿರಗಳಲ್ಲಿಹೋಮ್‌ ಮಿನಿಸ್ಟರ್‌ ಚಿತ್ರವನ್ನು ಶ್ರೇಯಾಚಿತ್ರ ಮೂಲಕ ಬೆಂಗಳೂರು ಕುಮಾರ್‌ ಫಿಲಂಸ್‌ ಸಂಸ್ಥೆ ಬಿಡುಗಡೆ ಮಾಡಲಿದೆ.