ಮಾಸ್ಕ್ ಧರಿಸದವರಿಗೆ ಬಿತ್ತು ದಂಡ

ಹಿರಿಯೂರು: ಮಾಸ್ಕ್ ಧರಿಸದೇ ರಸ್ತೆಯಲ್ಲಿ ಸಂಚರಿಸುತ್ತಿದ್ದವರಿಗೆ ನಗರಸಭೆ ಅಧಿಕಾರಿಗಳು ಹಾಗೂ ನಗರ ಪೊಲೀಸ್‌ ಠಾಣೆ ಪಿಎಸ್‌ಐ ದಂಡ ವಿಧಿಸಿದರು.

ಮಾಸ್ಕ್ ಧರಿಸದ ವಾಹನ ಸವಾರರಿಗೆ ಮೊದಲ ಉಲ್ಲಂಘನೆಗೆ 50 ರೂ., ಎರಡನೇ ಉಲ್ಲಂಘನೆಗೆ 100 ರೂ., ಸಾಮಾಜಿಕ ಅಂತರ ಕಾಯ್ದುಕೊಳ್ಳದವರಿಗೆ, ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳಿದರೆ ಹಾಗೂ ಗುಟಕಾ, ತಂಬಾಕು ಮಾರುವವರಿಗೆ ಮೊದಲ ಉಲ್ಲಂಘನೆಗೆ 250 ರೂ., ಎರಡನೇ ಉಲ್ಲಂಘನೆಗೆ 500 ರೂ. ದಂಡ ವಿಧಿಸಲಾಗುತ್ತಿದೆ.

ಅಗತ್ಯವಿಲ್ಲದ ಅಂಗಡಿ ತೆರೆದರೆ ಮತ್ತು ಯಾವುದೇ ವಸ್ತುಗಳನ್ನು ನಿಗದಿತ ದರಕ್ಕಿಂತ ಹೆಚ್ಚು ಬೆಲೆಗೆ ಮಾರಾಟ ಮಾಡಿದಲ್ಲಿ ಮೊದಲ ಉಲ್ಲಂಘನೆಗೆ 500 ರೂ., ಎರಡನೇ ಉಲ್ಲಂಘನೆಗೆ 1000 ರೂ. ದಂಡ ವಿಧಿಸಲಾಗುತ್ತದೆ ಎಂದು ಪೌರಾಯುಕ್ತ ಶಿವಪ್ರಸಾದ್‌ ತಿಳಿಸಿದ್ದಾರೆ.