ಭಾರತದಲ್ಲಿ ನೆಟ್ ಫ್ಲಿಕ್ಸ್ ನಿಷೇಧಿಸಿ…ಹಿಂದೂ ಸಂಘಟನೆಗಳ ದೂರು; ಆರೋಪ ಏನು?

ನವದೆಹಲಿ: ಹಿಂದೂಗಳ ಭಾವನೆಯನ್ನು ಘಾಸಿಗೊಳಿಸುತ್ತಿರುವ ನೆಟ್ ಫ್ಲಿಕ್ಸ್ ಮಾಧ್ಯಮವನ್ನು ಭಾರತದಲ್ಲಿ ನಿಷೇಧಿಸಬೇಕು ಎಂದು ಶಿವ ಸೇನಾ ಐಟಿ ಸೆಲ್ ನ ರಮೇಶ್ ಸೋಳಂಕಿ ದೂರು ನೀಡಿದ್ದಾರೆ.

ನೆಟ್ ಫ್ಲಿಕ್ಸ್ ನಲ್ಲಿ ಪ್ರಸಾರವಾಗುವ ವೆಬ್ ಸೀರೀಸ್ ಗಳನ್ನು ಸೆನ್ಸಾರ್ ಮಾಡಬೇಕಾಗಿದೆ. ಹಿಂದೂಗಳ ಕುರಿತ ಅಸಮರ್ಪಕ ದೃಶ್ಯವನ್ನು ತೋರಿಸುವ ಮೂಲಕ ಭಾರತವನ್ನು ಜಾಗತಿಕವಾಗಿ ಕೆಟ್ಟದಾಗಿ ಬಿಂಬಿಸಲಾಗುತ್ತಿದೆ. ನೆಟ್ ಫ್ಲಿಕ್ಸ್ ನ ಸೆಕ್ರೇಡ್ ಗೇಮ್ಸ್, ಲೈಲಾ, ಹಸನ್ ಮಿನಾಜಸ್ ಪ್ಯಾಟ್ರಿಯೊಟ್ ಆ್ಯಕ್ಟ್ ನಂತಹ ಶೋಗಳಲ್ಲಿ ಹಿಂದೂಗಳನ್ನು ಕೆಟ್ಟದಾಗಿ ಬಿಂಬಿಸಲಾಗುತ್ತಿದೆ ಎಂದು ಹಿಂದೂ ಜನಜಾಗೃತಿ ಸಮಿತಿ ಕೂಡಾ ಆರೋಪಿಸಿದೆ.

ಈ ಹಿನ್ನೆಲೆಯಲ್ಲಿ ನೆಟ್ ಫ್ಲಿಕ್ಸ್ ಅನ್ನು ಭಾರತದಲ್ಲಿ ನಿಷೇಧಿಸುವಂತೆ ಹಿಂದೂ ಜನಜಾಗೃತಿ ಸಮಿತಿ, ಶಿವಸೇನಾ ಐಟಿ ಸೆಲ್ ನ ರಮೇಶ್ ಸೋಳಂಕಿ ಅವರು ಎತ್ತಿರುವ ಪ್ರಸ್ತಾಪಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಹಲವರು ಬೆಂಬಲ ಸೂಚಿಸಿ, ಕೇಂದ್ರ ಸರಕಾರ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.