ಹಟ್ಟಿಕುದ್ರು- ಆನಗಳ್ಳಿ: ಪರ್ಯಾಯ ಮಾರ್ಗಕ್ಕೆ ಗ್ರಾಮಸ್ಥರ ಮನವಿ

ಕುಂದಾಪುರ:  ಬಸ್ರೂರು ಸಮೀಪದ ಆನಗಳ್ಳಿಯಿಂದ ಹಟ್ಟಿಕುದ್ರುಗೆ ತೆರಳಲು ಈಗಿರುವ ಕೊಂಕಣ ರೈಲು ಮಾರ್ಗದ ಬದಿಯಲ್ಲಿರುವ ಕಾಲುದಾರಿಯನ್ನೇ ಅವಲಂಬಿಸಿದ ಗ್ರಾಮಸ್ಥರಿಗೆ ಕೆಲವು ದಿನಗಳಿಂದ ಈ ಮಾರ್ಗದಲ್ಲಿ ಸಂಚರಿಸಲು  ರೈಲು ಇಲಾಖೆಯವರು ನಿರ್ಬಂಧ ಹೇರಿರುವುದರಿಂದ ಸಂಚಾರಕ್ಕೆ ತೊಡಕು ಅನುಭವಿಸುತ್ತಿರುವ ಗ್ರಾಮಸ್ಥರು  ತಮಗೆ ಪರ್ಯಾಯ ಮಾರ್ಗವನ್ನು ಕಲ್ಪಿಸಿಕೊಡಬೇಕು ಮತ್ತು ಈ ಮಾರ್ಗದಲ್ಲಿಯೇ ಸಂಚರಿಸುವ ಅವಕಾಶ ಕಲ್ಪಿಸಬೇಕು  ಎಂದು ಮಾಜಿ ಸಚಿವ ಕೆ. ಜಯಪ್ರಕಾಶ್‌ ಹೆಗ್ಡೆ ಅವರಿಗೆ  ಮನವಿಯನ್ನು ಸಲ್ಲಿಸಿದರು.

ಎ.25ರಂದು ಸಂಜೆ  ಹಟ್ಟಿಕುದ್ರುವಿಗೆ  ಆಗಮಿಸಿದ ಹೆಗ್ಡೆ ಅವರಲ್ಲಿ ಮನವಿ ಮಾಡಿಕೊಂಡ ಹಟ್ಟಿಕುದ್ರು ಜನತೆ  ಈ ಹಿಂದೆ  ಪ್ರಸ್ತಾವಿಸಲಾದ ಹಟ್ಟಿಕುದ್ರು-ಬಸ್ರೂರು ಸೇತುವೆಯ ನಿರ್ಮಾಣ ಮಾಡುವುದರಿಂದ ಇದಕ್ಕೆ ಸೂಕ್ತ ಪರಿಹಾರ ಎಂದರು.ಗ್ರಾಮಸ್ಥರ ಮನವಿಗೆ ಉತ್ತರಿಸಿದ ಹೆಗ್ಡೆ ಅವರು ಈ ಹಿಂದೆ ನಾನು ಸಂಸದನಾಗಿದ್ದಾಗ ಹಟ್ಟಿಕುದ್ರು ಹಾಗೂ ಬಸೂÅರು ನಡುವೆ  ಸೇತುವೆ ನಿರ್ಮಾಣದ ಪ್ರಸ್ತಾವನೆಯನ್ನು ಇಲಾಖೆಗೆ ಕಳುಹಿಸಲಾಗಿದೆ. ಮುಂದೆ ಈ ಪ್ರಸ್ತಾವನೆಯ ಅಂದಾಜುಪಟ್ಟಿಯನ್ನು  ಪರಿಷ್ಕರಿಸಿ ಇಲಾಖೆಗೆ ಕಳುಹಿಸಲಾಗುವುದು  ಎಂದು ಭರವಸೆ ನೀಡಿದರು.

ಬಿ. ಅಪ್ಪಣ್ಣ ಹೆಗ್ಡೆ, ಮಾಜಿ ತಾ.ಪಂ.ಸದಸ್ಯ ಬಾಬು ಪೂಜಾರಿ ಹಟ್ಟಿಕುದ್ರು , ಬಸ್ರೂರು ಗ್ರಾ.ಪಂ. ಅಧ್ಯಕ್ಷ ಸಂತೋಷ ಕುಮಾರ, ಗೋಪಾಲ ಕಳಿಂಜೆ , ಕಿಶೋರ ಕುಮಾರ, ರಾಜೇಶ ಕಾವೇರಿ, ಮೇರ್ಡಿ ಸತೀಶ ಹೆಗ್ಡೆ, ಸುರೇಶ ಆರ್‌. ನಾಯಕ್‌ ಮುಂತಾದವರು ಉಪಸ್ಥಿತರಿದ್ದರು.