Gujarat; ಪಾಲಿಟಾನಾ ಇನ್ನು ಮುಂದೆ ಸಂಪೂರ್ಣ ಸಸ್ಯಹಾರಿ ನಗರ!

ಗಾಂಧೀನಗರ: ಗುಜರಾತ್‌ನ ಭಾವನಗರ ಜಿಲ್ಲೆಯಲ್ಲಿರುವ ಪಾಲಿಟಾನಾ ನಗರದಲ್ಲಿ ಮಾಂಸದ ಮಾರಾಟ ಮತ್ತು ಸೇವನೆಯನ್ನು ನಿಷೇಧಿಸಲು ಸಿದ್ಧತೆ ನಡೆದಿದೆ. ಈ ಮೂಲಕ ಈ ರೀತಿ ನಿರ್ಧಾರ ತೆಗೆದುಕೊಂಡ ವಿಶ್ವದ ಮೊದಲ ನಗರವೆಂದು ಪಾಲಿಟಾನಾ ಗುರುತಿಸಿಕೊಂಡಿದೆ. ಜೈನ ಧರ್ಮದ ಪ್ರಾಬಲ್ಯವಿರುವ ಪಾಲಿಟಾನಾದಲ್ಲಿ 200ಕ್ಕೂ ಅಧಿಕ ಜೈನ ಸನ್ಯಾಸಿಗಳು ಪ್ರತಿಭಟನೆ ನಡೆಸಿ, ನಗರದಲ್ಲಿದ್ದ 250ಕ್ಕೂ ಅಧಿಕ ಮಾಂಸದ ಮಳಿಗೆಗಳನ್ನು ಮುಚ್ಚಿಸಿದ್ದರು. ಆ ಬೆನ್ನಲ್ಲೇ ಇದೀಗ ಸಂಪೂರ್ಣ ನಗರ ಮಾಂಸ ನಿಷೇಧ ಘೋಷಿಸಲು ಸಜ್ಜಾಗಿದೆ. ಜೈನರ ಪವಿತ್ರ ಕ್ಷೇತ್ರಗಳಲ್ಲಿ ಒಂದಾಗಿ ರುವ ಪಾಲಿಟಾನಾದಲ್ಲಿನ ಧಾರ್ಮಿಕ ಪ್ರಭಾವವನ್ನು ಇದು ತೋರುತ್ತದೆ ಗುಜರಾತ್‌ನ ಇನ್ನೂ ಕೆಲವು ನಗರಗಳಲ್ಲೂ ಇದೇ ಅನುಷ್ಠಾನಕ್ಕೆ ಯೋಜಿಸಲಾಗಿದೆ.