ಗೂಗಲ್‌ ಸಿಇಒ ಪಿಚೈ ಅವರಿಗೆ 10, 420 ಕೋಟಿ ವೇತನ

ಕ್ಯಾಲಿಫೋರ್ನಿಯಾ: ಗೂಗಲ್‌ ಸಿಇಒ ಆಗಿರುವ ಸುಂದರ್ ಪಿಚೈ ಅವರಿಗೆ ವೇತನ ಹೆಚ್ಚಿಸಲು ಮಾತೃಸಂಸ್ಥೆ ಆಲ್ಫಾಬೆಟ್‌ ಇಂಕ್‌ ನಿರ್ಧರಿಸಿದೆ. ಸದ್ಯ ಅವರು ಮಾಡಿರುವ ಸಾಧನೆಯಿಂದ ತೃಪ್ತಿಗೊಂಡಿರುವ ಕಂಪನಿ 5,210 ಕೋಟಿ ರೂ. (63 ಮಿಲಿಯನ್‌ ಡಾಲರ್‌) ಮೊತ್ತದ ಎರಡು ಕಂತುಗಳನ್ನು ನೀಡಲು ಮುಂದಾಗಿದೆ. ಅಂದರೆ ಅವರಿಗೆ 10, 420 ಕೋಟಿ ರೂ. ಸಿಗಲಿದೆ!

ಕಂಪನಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ)ಯಾಗಿ ಅವರ ಸಾಧನೆ ಅತ್ಯುತ್ತಮ ಎಂದು ಆಡಳಿತ ಮಂಡಳಿ ನಿರ್ಧರಿಸಿದೆ. ಆದರೆ, ಈ ವೇತನ ಹೆಚ್ಚಳ ಆಲ್ಫಾಬೆಟ್‌ನ ಒಟ್ಟಾರೆ ಹೂಡಿಕೆದಾರರಿಗೆ ಸಿಗುವ ಲಾಭವನ್ನು ಆಧರಿಸಿ ಇರಲಿದೆ. 2019ರಲ್ಲಿ ಶೇ.43 ಇದ್ದ ಅವರ ವಾರ್ಷಿಕ ವೇತನ ಪರಿಷ್ಕರಣೆ ಪ್ರಮಾಣವನ್ನು ಸದ್ಯ ಶೇ.60ಕ್ಕೆ ಏರಿಕೆ ಮಾಡಲಾಗಿದೆ. ಪಿಚೈ ಅವರಿಗೆ ಪ್ರತಿ ಮೂರು ವರ್ಷಕ್ಕೆ ಒಮ್ಮೆ ಸಾಧನೆಯನ್ನು ಆಧರಿಸಿ ಪ್ಯಾಕೇಜ್‌ ಅನ್ನು ಪರಾಮರ್ಶೆ ನಡೆಸಲಾಗುತ್ತಿತ್ತು.