ಸಖತ್‌ ಸೌಂಡ್‌ ಗುರು!

ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅಭಿನಯದ “ಸಖತ್‌’ ಚಿತ್ರದ ಟೈಟಲ್‌ ಟ್ರಾಕ್‌ ಬಿಡುಗಡೆಯಾಗಿದ್ದು, ಸೋಶಿಯಲ್‌ ಮೀಡಿಯಾದಲ್ಲಿ ಭರ್ಜರಿ ರೆಸ್ಪಾನ್ಸ್‌ ಪಡೆದುಕೊಳ್ಳುತ್ತಿದೆ.

ಇತ್ತೀಚೆಗಷ್ಟೇ”ಸಖತ್‌’ ಸಿನಿಮಾದ ಇಂಟ್ರೂಡಕ್ಷನ್‌ ಸಾಂಗ್‌ “ಆನಂದ್‌ ಆಡಿಯೋ’ ಯು-ಟ್ಯೂಬ್‌ ಚಾನೆಲ್‌ನಲ್ಲಿ ರಿಲೀಸ್‌ ಆಗಿದ್ದು, ಪಾರ್ಟಿ ಸಾಂಗ್‌ನಂತಿರುವ ಈ ಹಾಡಿನಲ್ಲಿ ಗಣೇಶ್‌ ಡಿಫ‌ರೆಂಟ್‌ ಕಾಸ್ಟ್ಯೂಮ್‌ ನಲ್ಲಿ ಮಿಂಚಿದ್ದಾರೆ.

ಇದನ್ನೂ ಓದಿ:ಸೈಬರ್‌ ಕ್ರೈಮ್‌ ಸುತ್ತ ‘100’

ಸಿಂಪಲ್‌ ಸುನಿ ಮತ್ತು ರ್ಯಾಪರ್‌ ಸಿದ್‌ ಸಾಹಿತ್ಯವಿರುವ ಈ ಹಾಡಿಗೆ ಜೂಡಾ ಸ್ಯಾಂಡಿ ಸಂಗೀತ ಸಂಯೋಜಿಸಿದ್ದಾರೆ. ಪಂಚಮ್‌ ಜೀವಾ, ಜೂಡಾ ಸ್ಯಾಂಡಿ, ರ್ಯಾಪರ್‌ ಸಿದ್‌ ಈ ಹಾಡಿಗೆ ಧ್ವನಿಯಾಗಿದ್ದಾರೆ. ಅದ್ಧೂರಿ ಸೆಟ್‌ನಲ್ಲಿ25 ಜನ ಡ್ಯಾನ್ಸರ್ ನಡುವೆಈಹಾಡನ್ನು ಚಿತ್ರೀಕರಣ ಮಾಡಲಾಗಿದೆ.

ಚಿತ್ರದಲ್ಲಿ ಗಣೇಶ್‌ಗೆ ನಿಶ್ವಿ‌ಕಾ ನಾಯ್ಡು ಜೋಡಿಯಾಗಿದ್ದಾರೆ. “ಕೆವಿಎನ್‌ ಪ್ರೊಡಕ್ಷನ್‌’ನಡಿ ತಯಾರಾಗಿರುವ “ಸಖತ್‌’ ಸಿನಿಮಾಗೆ ನಿಶಾ ವೆಂಕಟ್‌ ಕೋನಾಂಕಿ ಹಾಗೂ ಸುಪ್ರಿತ್‌ ಬಂಡವಾಳ ಹೂಡಿದ್ದಾರೆ. ರಂಗಾಯಣ ರಘು, ಸಾಧು ಕೋಕಿಲ, ಧರ್ಮಣ್ಣ ಕಡೂರು ಸೇರಿದಂತೆ ಮುಂತಾದವರು ತಾರಾಗಣದಲ್ಲಿದ್ದಾರೆ.