ಮಣಿಪಾಲ : ಮಣಿಪಾಲ ಅಕಾಡೆಮಿ ಆಫ್ ಹೈಯರ್‌ ಎಜುಕೇಶನ್‌(ಮಾಹೆ)ಗೆ ಗೋವಾ ಮುಖ್ಯಮಂತ್ರಿ ಪ್ರಮೋದ್‌ ಸಾವಂತ್‌ ಶನಿವಾರ ಭೇಟಿ ನೀಡಿದರು.
ಮಾಹೆಯ ಎಕ್ಸ್‌ಪೀರಿಯನ್ಸ್‌ ಥಿಯೇಟರ್‌ಗೆ ಭೇಟಿ ನೀಡಿದ ಅವರು, ಅಲ್ಲಿನ ಸೌಲಭ್ಯಗಳನ್ನು ವೀಕ್ಷಿಸಿ ಡಾ| ಟಿಎಂಎ ಪೈ ಅವರ ಧ್ಯೇಯೋದ್ದೇಶಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಕೋವಿಡ್ ಸಂದರ್ಭದಲ್ಲಿ ಗೋವಾದ ಮಣಿಪಾಲ ಆಸ್ಪತ್ರೆ ಜನರಿಗೆ ಉತ್ತಮ ಸವಲತ್ತು ಒದಗಿಸಿದೆ. ಸರಕಾರದಿಂದಲೂ ಉತ್ತಮ ರೀತಿಯ ಸಹಕಾರ ನೀಡಲಾಗುತ್ತಿದೆ ಎಂದರು. ಮಣಿಪಾಲ ವಿ.ವಿ. ನೀಡುತ್ತಿರುವ ಶಿಕ್ಷಣ ಅತ್ಯದ್ಭುತವಾಗಿದ್ದು, ಮುಂದಿನ ದಿನಗಳಲ್ಲಿ ಈ ವಿ.ವಿ. ರ್‍ಯಾಂಕಿಂಗ್‌ನಲ್ಲಿ ನಂಬರ್‌ ವನ್‌ ಸ್ಥಾನಕ್ಕೆ ಏರುವಂತಾಗಲಿ ಎಂದರು.
ಗೋವಾದ ಮಣಿಪಾಲ ಆಸ್ಪತ್ರೆಯ ಬಗ್ಗೆ ನಿರ್ದೇಶಕ ಸುರೇಂದ್ರ ಪ್ರಸಾದ್‌ ಅವರು ವಿವರಿಸಿದರು. ಮಣಿಪಾಲ ಸೀನಿಯರ್‌ ಲೀಡರ್‌ಶಿಪ್‌ ತಂಡದೊಂದಿಗೆ ಸಮಾಲೋಚನೆ ನಡೆಸಿದರು.
ಶಾಸಕ ಕೆ.ರಘುಪತಿ ಭಟ್‌, ಪ್ರಸಾದ್‌ ನೇತ್ರಾಲಯ ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕ ಡಾ| ಕೃಷ್ಣಪ್ರಸಾದ್‌ ಕೂಡ್ಲು, ಮಾಹೆ ಸಹಕುಲಾಧಿಪತಿ ಡಾ| ಎಚ್‌.ಎಸ್‌. ಬಲ್ಲಾಳ್, ಕುಲಪತಿ ಲೆ| ಜ| ಡಾ| ಎಂ.ಡಿ. ವೆಂಕಟೇಶ್‌, ರಿಜಿಸ್ಟ್ರಾರ್‌ ಡಾ| ನಾರಾಯಣ ಸಭಾಹಿತ್‌, ಪ್ರಮುಖರಾದ ಡಾ| ಆನಂದ ವೇಣುಗೋಪಾಲ್‌, ಡಾ| ದಿಲೀಪ್‌ ಜಿ.ನಾಯ್ಕ, ಡಾ| ವೆಂಕಟರಾಯ ಪ್ರಭು, ಸಿ.ಜಿ. ಮುತ್ತಣ್ಣ, ಡಾ| ಶರತ್‌ ರಾವ್‌, ಡಾ| ಆನಂದ ವೇಣುಗೋಪಾಲ್‌, ಡಾ| ಅವಿನಾಶ್‌ ಶೆಟ್ಟಿ, ಡಾ| ಉನ್ನಿಕೃಷ್ಣನ್‌, ಸಾಗಿರ್‌ ಸಿದ್ದಿಕ್‌, ಸಿಡಿಆರ್‌ ಡಾ| ಅನಿಲ್‌ ರಾಣಾ, ಡಾ| ಮಲ್ಲಿಕಾರ್ಜುನ ರಾವ್‌, ಡಾ| ಅರುಣ್‌ ಮಯ್ಯ, ಚೆಫ್ ತಿರು, ಡಾ| ಮೋನಿಕಾ ಸೊಲೊಮೊನ್‌, ಡಾ| ಜುಡಿನ್‌ ನರೊನ್ಹಾ, ಡಾ| ಮಧು ವೀರರಾಘವನ್‌, ಡಾ| ವಿನೋದ್‌ ಥಾಮಸ್‌, ಪ್ರಕಾಶ್‌ಚಂದ್ರ, ಜೆರ್ರಿ ಜೋಸೆಫ್, ಪಿಆ ರ್‌ಒ ಎಸ್‌.ಪಿ. ಕರ್‌, ನಗರ ಬಿಜೆಪಿ ಅಧ್ಯಕ್ಷ ಮಹೇಶ್‌ ಠಾಕೂರ್‌ ಉಪಸ್ಥಿತರಿದ್ದರು.
