ಮಣಿಪಾಲ: ಪರ್ಕಳ ವಾಟರ್‌ ಟ್ಯಾಂಕ್‌ ಬಳಿ ಡಿ. 20ರಂದು ಬೆಳಗ್ಗೆ ಕಾರು ಅಪಘಾತ ಸಂಭವಿಸಿದೆ.ಘಟನೆಯಲ್ಲಿ ಕಾರಿನಲ್ಲಿದ್ದ ಪ್ರಯಾಣಿಕರು ಅಪಾಯದಿಂದ ಪಾರಾಗಿದ್ದಾರೆ.
ಬಿಜಾಪುರದಿಂದ ಧರ್ಮಸ್ಥಳ ಕಡೆಗೆ ಯಾತ್ರಿಕರು ತೆರಳುತಿದ್ದ ವೇಳೆ ಈ ಘಟನೆ ನಡೆದಿದೆ.ವಾಹನ ಸವಾರರಿಗೆ ಎದುರಾಗುವ ರಸ್ತೆ ಗೊಂದಲ ಅಪಘಾತ ಸಂಭವಿಸಲು ಪ್ರಮುಖ ಕಾರಣ ಎನ್ನಲಾಗಿದೆ. ಬೆಳಗ್ಗಿನ ಅವಧಿ ಹೆಚ್ಚು ಅಪಘಾತ ಸಂಭವಿಸುತ್ತಿದೆ.
ಇತ್ತೀಚಿನ ಕೆಲವು ದಿನಗಳಲ್ಲಿ ಹಲವು ಅಪಘಾತಗಳು ಇಲ್ಲಿ ಸಂಭವಿಸಿದ್ದಾಗಿ ಸ್ಥಳಿಯರು ಹೇಳಿದ್ದಾರೆ.
ತುಳು ಚಿತ್ರರಂಗದ ನಟ ಭೋಜರಾಜ್‌ ವಾಮಂಜೂರು ಅವರ ಕಾರು ಕೂಡ ಇದೇ ಜಾಗದಲ್ಲಿ ಅಪಘಾತವಾಗಿತ್ತು.
ಈ ಪ್ರದೇಶದಲ್ಲಿ ಅಪಘಾತ ತಡೆಗೆ ಕ್ರಮ ಕೈಗೊಳ್ಳಬೇಕು ಎಂದು ವಾಹನ ಸವಾರರು ಸಂಬಂಧಿಸಿದ ಇಲಾಖೆಯನ್ನು ಒತ್ತಾಯಿಸಿದ್ದಾರೆ.
ಘಟನೆ ನಡೆದ ಸ್ಥಳದಲ್ಲಿ ಸೂಕ್ತ ಬೆಳಕಿನ ವ್ಯವಸ್ಥೆ ಕಲ್ಪಿಸುವಂತೆಯೂ ಆಗ್ರಹಿಸಿದ್ದಾರೆ.
