ಮ್ಯಾಕ್ರನ್‌-ಮರೈನ್‌ ಲೆಪೆನ್‌ ನಡುವೆ ಸಮಬಲ ಸಾಧ್ಯತೆ

ಪ್ಯಾರಿಸ್‌: ಫ್ರಾನ್ಸ್‌ನಲ್ಲಿ ರವಿವಾರ ಅಧ್ಯಕ್ಷೀಯ ಚುನಾವಣೆ ನಡೆಯ­ಲಿದೆ. ಅದಕ್ಕಾಗಿ ಬಹಿರಂಗ ಪ್ರಚಾರ ಈಗಾ­ಗಲೇ ಮುಕ್ತಾಯವಾಗಿದೆ.

ಸದ್ಯ ಪ್ರಕಟವಾಗಿ­ರುವ ಸಮೀಕ್ಷೆಯ ಪ್ರಕಾರ ಹಾಲಿ ಅಧ್ಯಕ್ಷ ಇಮ್ಯಾನ್ಯುವೆಲ್‌ ಮಾಕ್ರನ್‌ ತಮ್ಮ ಪ್ರತಿಸ್ಪರ್ಧಿ “ನ್ಯಾಶನಲ್‌ ರ್‍ಯಾಲಿ’ ಪಕ್ಷದ ಮರೈನ್‌ ಲೆ ಪೆನ್‌ಗಿಂತ ಕೊಂಚ ಮುಂದಿದ್ದಾರೆ.

ಹಾಲಿ ಅಧ್ಯಕ್ಷರಿಗೆ ಶೇ.57.5 ಮತಗಳು ಸಮೀಕ್ಷೆಯಲ್ಲಿ ಪ್ರಾಪ್ತವಾಗಿದ್ದರೆ, ಲೆ ಪೆನ್‌ ಅವರಿಗೆ ಶೇ.42.5 ಮತಗಳು ಬಂದಿವೆ. ಹೀಗಾಗಿ, ಸಮಬಲದ ಹೋರಾಟ ನಡೆಯುವ ನಿರೀಕ್ಷೆ ಇದೆ.

ಕರ್ನಾಟಕದಲ್ಲಿ ಹೆಚ್ಚು ಚರ್ಚೆಗೆ ಬಂದಿದ್ದ ಹಲಾಲ್‌ ಮತ್ತು ಹಿಜಾಬ್‌ ವಿಚಾರವೂ ಅಲ್ಲಿ ಪ್ರಸ್ತಾವಗೊಂಡಿದೆ. ಶುಕ್ರವಾರ ನಡೆದಿದ್ದ ಪ್ರಚಾರದ ವೇಳೆ, ಮರೈನ್‌ ಲೆ ಪೆನ್‌ ದೇಶವನ್ನು ಧರ್ಮದ ಆಧಾರದಲ್ಲಿ ಒಡೆಯಲು ಯತ್ನಿಸುತ್ತಿ­ದ್ದಾರೆ ಎಂದು ಮ್ಯಾಕ್ರಾನ್‌ ದೂರಿದ್ದರೆ, ಮ್ಯಾಕ್ರಾನ್‌ ಹಾಕಿಕೊಂಡಿ­ರುವ ಪಿಂಚಣಿ ಯೋಜ­ನೆಯು ದೇಶದ ಜನರನ್ನು ಜೀವ ನ­­ಪೂರ್ತಿ ದುಡಿಯುವಂತೆ ಮಾಡು­ತ್ತದೆ ಎಂದು ಮರೈನ್‌ ಆರೋಪಿಸಿದ್ದಾರೆ.

2017ರಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲೂ ಪರಸ್ಪರ ಎದುರಾಳಿ­ಗಳಾಗಿದ್ದರು. ಅದರಲ್ಲಿ ರಾಜಕೀಯ ಕುಟುಂಬದಿಂದಲೇ ಬಂದಿರುವ ಮರೈನ್‌ರನ್ನು ಆಗ ತಾನೆ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದ ಮ್ಯಾಕ್ರಾನ್‌ ಅತ್ಯಂತ ಕಡಿಮೆ ಅಂತರದಲ್ಲಿ ಸೋಲಿಸಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು.