PDO ನೇಮಕಾತಿ ಪರೀಕ್ಷಾರ್ಥಿಗಳ ಉದ್ದ ತೋಳಿನ ಬಟ್ಟೆಗೆ ಕತ್ತರಿ !

ಹಾಸನ: ಗ್ರಾ.ಪಂ. ಅಭಿವೃದ್ಧಿ ಅಧಿಕಾರಿಗಳ (PDO) ನೇಮಕಾತಿಗೆ ರವಿವಾರ ನಡೆದ ಸ್ಪರ್ಧಾತ್ಮಕ ಪರೀಕ್ಷೆಗೆ ಉದ್ದ ತೋಳಿನ ಬಟ್ಟೆ ಧರಿಸಿ ಬಂದಿದ್ದ ಅಭ್ಯರ್ಥಿಗಳ ತೋಳಿನ ಅರ್ಧ ಬಟ್ಟೆ ಕತ್ತರಿಸಿ ಪರೀಕ್ಷಾ ಕೇಂದ್ರಕ್ಕೆ ಬಿಟ್ಟ ಪ್ರಸಂಗ ನಡೆಯಿತು. ನಗರದ ಎಲ್‌.ವಿ. ಸರಕಾರಿ ಪಾಲಿಟೆಕ್ನಿಕ್‌ ಕಾಲೇಜಿನ ಪರೀಕ್ಷಾ ಕೇಂದ್ರಕ್ಕೆ ಮೊಣಕೈನಿಂದ ಕೆಳಗಿರುವ ಬಟ್ಟೆ ಧರಿಸಿ ಬಂದಿದ್ದ ಪರೀಕಾರ್ಥಿಗಳನ್ನು ಸಿಬಂದಿ ಪರೀಕ್ಷಾ ಕೇಂದ್ರಕ್ಕೆ ಬಿಡಲು ನಿರಾಕರಿಸಿದರು. ವಿವಿಧ ಪರೀಕ್ಷಾ ಕೇಂದ್ರಗಳಲ್ಲೂ ಇದೇ ರೀತಿಯ ಪ್ರಸಂಗಗಳು ನಡೆದಿವೆ. ಬಟ್ಟೆ ಕತ್ತರಿಸಲು ಪರೀಕ್ಷಾರ್ಥಿಗಳು ಒಪ್ಪದೆ ವಾಗ್ವಾದ ನಡೆಸಿದರು. ಕೆಲವು ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗದೆ ಹೊರ ಹೋದರು. ಕಿವಿಯೋಲೆ ಮೂಗುತಿ, ಬಳೆ, ಕಾಲುಚೈನ್‌ ಹಾಕಿ ಬಂದಿದ್ದ ಅಭ್ಯರ್ಥಿಗಳಿಂದ ಬಿಚ್ಚಿಸಿ ಪರೀಕ್ಷಾ ಕೇಂದ್ರಕ್ಕೆ ಬಿಡಲಾಯಿತು.