ಮಣಿಪುರ: ಕಾಂಗ್ರೆಸ್‌ನ 4 ಶಾಸಕರು ಬಿಜೆಪಿಗೆ

ಇಂಫಾಲ್‌: ಮಣಿಪುರದಲ್ಲಿ ಶುಕ್ರವಾರ ನಾಲ್ವರು ಕಾಂಗ್ರೆಸ್‌ ಶಾಸಕರು ಬಿಜೆಪಿಗೆ ಸೇರ್ಪಡೆಗೊಂಡಿದ್ದಾರೆ. ಅಷ್ಟೇ ಅಲ್ಲ, ಅಲ್ಲಿದ್ದ ತೃಣಮೂಲ ಕಾಂಗ್ರೆಸ್‌ನ ಏಕೈಕ ಶಾಸಕನೂ ಈಗ ಕಮಲ ಪಾಳಯದ ಪಾಲಾಗಿದ್ದಾರೆ. ಇಲ್ಲಿಯ ಪ್ರದೇಶ ಬಿಜೆಪಿ ಕಚೇರಿಯಲ್ಲಿ ಅದ್ದೂರಿ ಸಮಾರಂಭ ಏರ್ಪಡಿಸಿ, ಶಾಸಕರನ್ನು ಬಿಜೆಪಿ ತನ್ನ ಪಕ್ಷಕ್ಕೆ ಸೇರಿಸಿಕೊಂಡಿತು. ಈ ವೇಳೆ ಮಣಿಪುರ ಮುಖ್ಯಮಂತ್ರಿ ಎನ್‌. ಬಿರೇನ್‌ ಸಿಂಗ್‌, ಅಸ್ಸಾಂ ಹಣಕಾಸು ಸಚಿವ ಹೇಮಂತ ಬಿಸ್ವಾ ಶರ್ಮಾ ಇನ್ನಿತರರು ಉಪಸ್ಥಿತರಿದ್ದರು.