ಐಟಿಪಿಎಲ್‌ ಬಳಿ ಸುಮಾರು 105 ಎಕರೆಯಲ್ಲಿ ಪ್ರತಿಷ್ಟಿತ ಪ್ರಸ್ಟೀಜ್‌ ಗ್ರೂಪ್‌ ವತಿಯಿಂದ “ಶಾಂತಿನಿಕೇತನ್‌’ ಹೆಸರಲ್ಲಿ ವಸತಿ ಸಮುಚ್ಚಗಳನ್ನು ನಿರ್ಮಿಸಲಾಗಿದೆ. ಈ ಕಟ್ಟಡಗಳ ನಡುವೆ 40 ಅಡಿ ಅಗಲದ 1ಕಿ.ಮೀ ಉದ್ದದ ಬಿಡಿಎ ಆರ್‌ಸಿಡಿಪಿ ರಸ್ತೆಯನ್ನು ಅಪಾರ್ಟ್‌ಮೆಂಟ್‌ ತನ್ನ ವಶಕ್ಕೆ ಪಡೆದುಕೊಂಡಿದ್ದೂ ಅಲ್ಲದೆ, ಸಾರ್ವಜನಿಕರ ಸಂಚಾರವನ್ನೇ ನಿರ್ಬಂಧಿಸಿತ್ತು.
Advertisement
ರಸ್ತೆಯನ್ನು ಅಪಾರ್ಟ್‌ಮೆಂಟ್‌ ನಿವಾಸಿಗಳ ಬಳಕೆಗೆ ಮಾತ್ರ ಸೀಮಿತಗೊಳಿಸಲಾಗಿತ್ತು. ಸಾರ್ವಜನಿಕರು ಬಂದರೆ ಸೆಕ್ಯೂರಿಟಿ ಗಾರ್ಡ್‌ಗಳು ತಡೆಯುತ್ತಿದ್ದರು. ಸಾರ್ವಜನಿಕ ರಸ್ತೆಯಲ್ಲಿ ಖಾಸಗಿ ಸಮುಚ್ಚಯವು ಸಂಚಾರ ನಿರ್ಬಂಧಿಸಿದ್ದರ ವಿರುದ್ಧ ಗಿರಿನಗರ ನಿವಾಸಿ ಗೋಪಿನಾಥ್‌ ಎಂಬುವವರು ಹೈಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು.