Advertisement

ಫ್ಲೇರ್ಡ್‌ ಅಯಂಡ್ ಲವ್ಲಿ!

12:30 AM Jan 30, 2019 | |

ಸದ್ಯ ಟ್ರೆಂಡ್‌ ಆಗುತ್ತಿರುವ ದಿರಿಸು ಫ್ಲೇರ್ಡ್‌ ಪ್ಯಾಂಟ್‌(Flared pant). ತುದಿಯಲ್ಲಿ  ಅಗಲವಾಗಿರುವುದಕ್ಕೆ ಇದಕ್ಕೆ ಫ್ಲೇರ್‌ ಎನ್ನಲಾಗುತ್ತದೆ. ನೋಡಲು ಬೆಲ್‌ ಬಾಟಮ್‌ ಪ್ಯಾಂಟ್‌ನಂತೆ ಇದ್ದರೂ ಇವು ಅದಕ್ಕಿಂತ ಭಿನ್ನ. ಹೇಗೆ ಎಂದು ಕೇಳುವುದಾದರೆ ಈ ಪ್ಯಾಂಟ್‌ನ ಬುಡ ಅಗಲವಾಗಿರುತ್ತದೆ ನಿಜ, ಆದರೆ ಅದು ಬೆಲ್‌ (ಗಂಟೆ) ಆಕಾರದಲ್ಲಿ ಇರುವುದಿಲ್ಲ. ಈ ಪ್ಯಾಂಟ್‌ ತೊಡುವುದರಿಂದ ಪಾದಗಳು ಬಹುತೇಕ ಮುಚ್ಚಿಹೋಗುತ್ತವೆ. ಇದು 60ನೇ ದಶಕದಲ್ಲಿ ಜನಪ್ರಿಯತೆ ಗಳಿಸಿದ್ದ ಉಡುಪು!

Advertisement

ತೊಡುವುದು ಹೇಗೆ?
ಪ್ಯಾಂಟ್‌ ಸೂಟ್‌ ತೊಡುವವರು ಈ ಫ್ಲೇರ್ಡ್‌ ಪ್ಯಾಂಟ… ಸ್ಟೆçಲ್‌ ಅನ್ನು ಅನುಸರಿಸಬಹುದು. ಅಂದರೆ ಒಳ್ಳೆ ಫಿಟ್ಟಿಂಗ್‌ ಇರುವ ಕೋಟು (ಸ್ಟ್ರಕ್ಚರ್ಡ್‌ ಬ್ಲೇಝರ್‌) ಜೊತೆ ಈ ಪ್ಯಾಂಟ್‌ ಧರಿಸುವುದು. ಈ ಕೋಟಿನ ಕೆಳಗೆ ಶರ್ಟ್‌ (ಅಂಗಿ) ತೊಡಬೇಕಿಲ್ಲ. ಕೋಟು, ಪ್ಯಾಂಟು ಎಲ್ಲ ಸಾಲಿಡ್‌ ಕಲರ್ಡ್‌ ಅಂದರೆ ಒಂದೇ ಬಣ್ಣದ್ದಾಗಿರುತ್ತದೆ. ಪ್ಯಾಂಟ್‌ ಸೂಟ್‌ ಜೊತೆ ಫ್ಲೇರ್ಡ್‌ ಪ್ಯಾಂಟ್‌ ತೊಡುವ ಈ ಶೈಲಿಯನ್ನು ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಟ್ರೆಂಡ್‌ ಆಗುವಂತೆ ಮಾಡಿದ್ದರು. 

ಬಹಳ ಅಗಲವಾದ ಅಂದರೆ ಸಿಕ್ಕಾಪಟ್ಟೆ ಫ್ಲೇರ್‌ ಇರುವ ಪ್ಯಾಂಟ್‌ ಜೊತೆ ಬಹಳ ಸಡಿಲವಾದ ಕೋಟು (ಓರ್ವ ಸೈಜ್‌) ಜಾಕೆಟ್‌ ತೊಟ್ಟು ಕೋಟಿನ ಕೆಳಗೆ ಟರ್ಟಲ್‌ ನೆಕ್‌ (ಕುತ್ತಿಗೆ ಮುಚ್ಚುವ) ಅಂಗಿಯನ್ನು ಧರಿಸಬಹುದು. ಈ ಬಗೆಯ ಉಡುಪಿನಲ್ಲೂ ಅಂಗಿ, ಕೋಟು, ಪ್ಯಾಂಟು ಎಲ್ಲ ಸಾಲಿಡ್‌ ಕಲರ್ಡ್‌, ಅಂದರೆ ಒಂದೇ ಬಣ್ಣದ್ದಾಗಿರುತ್ತದೆ. 

ಅಂಗನೆಯರ ಅಂದ
ಕಿತ್ತಳೆ ಬಣ್ಣದ ಸಡಿಲವಾದ ಕೋಟು, ಫ್ಲೇರ್ಡ್‌ ಪ್ಯಾಂಟು ಮತ್ತು ಕುತ್ತಿಗೆ ಸಂಪೂರ್ಣವಾಗಿ ಮುಚ್ಚುವ ಅಂಗಿಯನ್ನು ಬಾಲಿವುಡ್‌ ನಟಿ ಸೋನಂ ಕಪೂರ್‌ ತೊಟ್ಟಿದ್ದೇ ತಡ, ಅಭಿಮಾನಿಗಳೂ ಇದೇ ತರಹದ ಉಡುಗೆ ತೊಟ್ಟು ಸಾಮಾಜಿಕ ಜಾಲತಾಣಗಳಲ್ಲೆಲ್ಲ ತಮ್ಮ ಸೆಲ್ಫಿ ಗಳನ್ನು ಶೇರ್‌ ಮಾಡುತ್ತಿದ್ದಾರೆ.

ಅಮೆರಿಕಾದ ಟಾಪ್‌ಮಾಡೆಲ್‌ ಕೆಂಡಾಲ್‌ ಜೆನ್ನರ್‌ ಬೂದಿ ಬಣ್ಣದ ಉದ್ದ ತೋಳಿನ ಬಿಗಿಯಾದ ಅಂಗಿ ಜೊತೆ ಪಾದದ ಕಿೈಲು ಕಾಣುವಂಥ ಬೂದಿ ಬಣ್ಣದ ಫ್ಲೇರ್ಡ್‌ ಪ್ಯಾಂಟ್‌ ತೊಟ್ಟು, ಬೂದಿ ಬಣ್ಣದ ಲಾಂಗ್‌ ಲೈನ್‌ ಜಾಕೆಟ್‌ (ಮೊಣಕಾಲಿನ ವರೆಗೆ ಬರುವ ಗುಂಡಿ ಅಥವಾ ಜಿಪ್‌ ಇರದ ಕೋಟು) ಮತ್ತು ಅದೇ ಬಣ್ಣದ ಹೈ ಹೀಲ್ಸ… ಹಾಕಿದ ಚಿತ್ರ ಫ್ಯಾಷನ್‌ ಪ್ರಿಯರಿಂದ ಮೆಚ್ಚುಗೆ ಪಡೆದಿತ್ತು.

Advertisement

ಇವರೆಲ್ಲಾ ಸುದ್ದಿ ಮಾಡುತ್ತಿರುವಾಗ ನಟಿ ಪ್ರಿಯಾಂಕಾ ಚೋಪ್ರಾ ಹಿಂದೆ ಉಳಿಯಲು ಸಾಧ್ಯವೇ! ತಿಳಿ ಹಸಿರು ಬಣ್ಣದ ಬಿಗಿಯಾದ ಅಂಗಿ. ಸಡಿಲವಾದ ಕೋಲ್ಡ… ಶೋಲ್ಡರ್‌ ತೋಳುಗಳು. ಇದರ ಜೊತೆ ಅದೇ ಬಣ್ಣದ ಫ್ಲೇರ್ಡ್‌ ಪ್ಯಾಂಟ್‌ ತೊಟ್ಟು ಪ್ರಿಯಾಂಕಾ ಚೋಪ್ರಾ, ತಾನು ಸ್ಟೈಲ್‌ ಐಕಾನ್‌ ಎಂಬುದನ್ನು ದೃಢಪಡಿಸಿ¨ªಾರೆ. ನಿಯಾನ್‌ (ಕಣ್ಣಿಗೆ ಕುಕ್ಕುವಂಥ ಬಣ್ಣ) ಗುಲಾಬಿ ಬಣ್ಣದ ಅಂಗಿ ಜೊತೆ ಅದೇ ಬಣ್ಣದ ಹೈಹೀಲ್ಸ… ಮತ್ತು ತುದಿಯಲ್ಲಿ ಸ್ವಲ್ಪ ಕಟ್‌ ಇರುವ ಅದೇ ಬಣ್ಣದ ಫ್ಲೇರ್ಡ್‌ ಪ್ಯಾಂಟ್‌ ತೊಟ್ಟು ಕಾಣಿಸಿಕೊಂಡಿದ್ದರು.  

ಸಾರಾ ಜಮಾನ
ಬಾಲಿವುಡ್‌ ನಟ ಸೈಫ್ ಅಲಿ ಖಾನ್‌ನ ಮೊದಲ ಮಗಳು ಸಾರಾ ಅಲಿ ಖಾನ್‌ ಕೂಡ ಈ ಟ್ರೆಂಡ್‌ಗೆ ತನ್ನ ಕೊಡುಗೆ ನೀಡಿದ್ದಾಳೆ. ಕಸರತ್ತು ಮಾಡಿ, ವಾಶ್‌ ಬೋರ್ಡ್‌ ಆಬ್ಸ… ಹೊಂದಿರುವ ಕಾರಣ ಅವುಗಳನ್ನು ತೋರಿಸಲು ಕಪ್ಪು ಬಣ್ಣದ ಉದ್ದ ತೋಳಿನ ಬಿಗಿಯಾಗಿ ಕ್ರಾಪ್‌ ಟಾಪ್‌ (ಹೊಟ್ಟೆ ಕಾಣುವಂಥ ಅಂಗಿ) ಜೊತೆ ಪಳ-ಪಳ ಹೊಳೆಯುವ ಅನಿಮಲ್‌ ಪ್ರಿಂಟ್‌ ಇರುವ ಗುಲಾಬಿ ಹಾಗು ಗೋಲ್ಡ… (ಸ್ವರ್ಣ) ಬಣ್ಣದ ಫ್ಲೇರ್ಡ್‌ ಪ್ಯಾಂಟ್‌ ತೊಟ್ಟಿರುವುದು ಫ್ಯಾಷನ್‌ ಲೋಕದಲ್ಲಿ  ಸುದ್ದಿಯಾಗುತ್ತಿದೆ. 

ಅದಿತಿಮಾನಸ ಟಿ. ಎಸ್‌.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next