Rohit Bal; ಖ್ಯಾತ ಫ್ಯಾಷನ್‌ ಡಿಸೈನರ್‌ ರೋಹಿತ್‌ ಬಲ್‌ ನಿಧನ

ಗುರುಗ್ರಾಮ: ಖ್ಯಾತ ಫ್ಯಾಷನ್‌ ಡಿಸೈನರ್‌ ರೋಹಿತ್‌ ಬಲ್‌ (63) ಶುಕ್ರವಾರ ನಿಧನ ಹೊಂದಿದ್ದಾರೆ. ಹೃದಯ ತೊಂದರೆಯಿಂದ ಬಳಲುತ್ತಿದ್ದ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದರೂ, ಅವರು ಕೊನೆಯುಸಿರೆಳೆದಿದ್ದಾರೆ. 2023ರ ನವೆಂಬರ್‌ನಲ್ಲಿ ಕೂಡ ಅವರನ್ನು ಹೃದಯದ ತೊಂದರೆ ಹಿನ್ನೆಲೆಯಲ್ಲಿ ಚಿಕಿತ್ಸೆ ನೀಡಲಾಗಿತ್ತು. ಕಳೆದ ತಿಂಗಳು ಹೊಸದಿಲ್ಲಿಯಲ್ಲಿ ಆಯೋಜಿಸಲಾಗಿದ್ದ ಲಾಕ್ಮೆ ಇಂಡಿಯಾ ಫ್ಯಾಷನ್‌ ವೀಕ್‌ನಲ್ಲಿ ಅವರು ಭಾಗವಹಿಸಿದ್ದರು.

ಫ್ಯಾಶನ್ ಡಿಸೈನ್ ಕೌನ್ಸಿಲ್ ಆಫ್ ಇಂಡಿಯಾ (FDCI), ಲೆಜೆಂಡರಿ ಡಿಸೈನರ್ ರೋಹಿತ್ ಬಲ್ ಅವರ ನಿಧನಕ್ಕೆ ನಮ್ಮ ಶೋಕ ಸಂತಾಪ. FDCIಸ್ಥಾಪಕ ಸದಸ್ಯರಾಗಿದ್ದ ರೋಹಿತ್ ಆಧುನಿಕ ಸಂವೇದನೆಗಳೊಂದಿಗೆ ಸಾಂಪ್ರದಾಯಿಕ ಮಾದರಿಗಳ ವಿಶಿಷ್ಟ ಮಿಶ್ರಣಕ್ಕೆ ಹೆಸರುವಾಸಿಯಾದವರು. ಅವರ ಕೆಲಸವು ಭಾರತೀಯ ಫ್ಯಾಷನ್ ಮತ್ತು ಪೀಳಿಗೆಗೆ ಸ್ಫೂರ್ತಿ. ಕಲಾತ್ಮಕತೆಯ ಪರಂಪರೆ, ಮತ್ತು ಮುಂದಾಲೋಚನೆಯ ಜತೆಗೆ ಹೊಸತನವು ಫ್ಯಾಷನ್ ಜಗತ್ತಿನಲ್ಲಿ ಉಳಿಯುತ್ತದೆ. ಶಾಂತಿ ಗುಡ್ಡಾ” ಎಂದು ” ಎಂದು Instagram ನಲ್ಲಿ ಪೋಸ್ಟ್ ಮಾಡಿದೆ.

ನವೆಂಬರ್ 2 ರ ಶನಿವಾರ ಸಂಜೆ 5 ಗಂಟೆಗೆ ದೆಹಲಿಯ ಲೋಧಿ ರೋಡ್ ಶ್ಮಶಾನದಲ್ಲಿ ರೋಹಿತ್ ಬಲ್ ಅಂತ್ಯಕ್ರಿಯೆ ನಡೆಯಲಿದೆ ಎಂದು ಎಫ್‌ಡಿಸಿಐ ​​ಶುಕ್ರವಾರ ತಡರಾತ್ರಿ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ಪ್ರಕಟಿಸಿದೆ.