ಕೋಲಾರ: ಕೋವಿಡ್ ಆಘಾತದಿಂದ ಚೇತರಿಸಿಕೊಳ್ಳುವ ಪ್ರಯತ್ನ ದಲ್ಲಿ ತೆರೆದಿರುವ ಚಿತ್ರಮಂದಿರಗಳು ಪ್ರೇಕ್ಷಕರ ಕೊರತೆ ಎದುರಿ ಸುತ್ತಾ ಹಲವಾರು ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿ ತೆವಳುತ್ತಿವೆ. ಕೋವಿಡ್ ಮಾರ್ಗಸೂಚಿಗಳ ಸಡಿಲಿಕೆಯ ಭಾಗವಾಗಿ ಸರ್ಕಾರ 2020 ಅಕ್ಟೋಬರ್‌ನಲ್ಲಿಯೇ ಶೇ.50 ಪ್ರೇಕಕ ರೊಂದಿಗೆ ಆರಂಭಕ ಆದೇಶಿಸಿತ್ತಾದರೂ, ಬಹುತೇಕ ಚಿತ್ರಮಂದಿರಗಳ ಆರಂಭಿಕವಾಗಿ ತೆರೆದು ಮತ್ತೇ ಮುಚ್ಚಲ್ಪಟ್ಟವು. ನಂತರ 2021ರ ಸಂಕ್ರಾಂತಿಯಿಂದ ಚಿತ್ರಮಂದಿರಗಳನ್ನು ಆರಂಭಿಸಿವೆ.
ಮಾಲೀಕರಲ್ಲಿ ನಿರಾಸೆ: ಗಡಿ ಜಿಲ್ಲೆಯ ಕೋಲಾರದಲ್ಲಿ ಕನ್ನಡ ಚಿತ್ರಗಳಿಗಿಂತಲೂ ತೆಲುಗು ಚಿತ್ರಗಳಿಗೆ ಹೆಚ್ಚಿನ ಬೇಡಿಕೆ. ಈ ಹಿನ್ನೆಲೆಯಲ್ಲಿಯೇ ಹೊಸ ತೆಲುಗು ಚಿತ್ರಗಳು ಬಿಡುಗಡೆ ಕಾಣದೆ ಚಿತ್ರಮಂದಿರಗಳು ಪ್ರೇಕ್ಷಕರ ಕೊರತೆ ಎದುರಿಸು ವಂತಾಗಿದೆ. ಇತ್ತೀಚೆಗೆ ತೆಲುಗು ಚಿತ್ರಗಳು ಬಿಡುಗಡೆ ಕಾಣುತ್ತಿದ್ದು, ಕೋಲಾರದ ಚಿತ್ರಮಂದಿರಗಳು ಪ್ರೇಕ್ಷಕರ ನಿರೀಕ್ಷೆಯಲ್ಲಿ ಬಿಡುಗಡೆ ಮಾಡುತ್ತಿವೆ. ಆದರೆ, ನಿರೀಕ್ಷೆಯಷ್ಟು ಪ್ರೇಕಕರು ಚಿತ್ರಮಂದಿರಗಳಿಗೆ ಭೇಟಿ ಮಾಡದಿರುವುದು ಚಿತ್ರಮಂದಿರ ಮಾಲೀಕರನ್ನು ನಿರಾಸೆಯಲ್ಲಿ ಮುಳುಗಿಸಿದೆ.
ದೊಡ್ಡ ನಟರ ಚಿತ್ರಗಳ ಮೇಲೆ ನಿರೀಕ್ಷೆ: ಮುಂದಿನ 2-3 ತಿಂಗಳುಗಳಲ್ಲಿ ಬಿಡುಗಡೆಯಾಗುತ್ತಿರುವ ತೆಲುಗು ಮತ್ತು ಕ®ಡದ್ನ ದೊಡ್ಡ ನಟರ ಪ್ಯಾನ್‌ ಇಂಡಿಯಾ ಚಿತ್ರಗಳು ಪ್ರೇಕ್ಷಕರನ್ನು ಚಿತ್ರಮಂದಿರಗಳಲ್ಲಿ ತುಂಬಿ ತುಳುಕುವಂತೆ ಮಾಡಬಹುದೇ ಎಂಬ ನಿರೀಕ್ಷೆ ಮಾಲೀಕರು, ಪ್ರದರ್ಶಕರಲ್ಲಿದೆ. ಆದರೆ, ಸದ್ಯದ ಶೋಚನೀಯ ಪರಿಸ್ಥಿತಿಯಲ್ಲಿ ಖಾಲಿ ಸೀಟುಗಳಿಗೆ ಸಿನಿಮಾ ತೋರಿಸುವ ಕಾಯಕವನ್ನು ಮಾಲೀಕರು ಮಾಡಬೇಕಾಗಿದೆ. ಏಕೆಂದರೆ, ಪ್ರತಿ ಪ್ರದರ್ಶನಕ್ಕೆ 10ರಿಂದ 20 ಪ್ರೇಕ್ಷಕರು ಮಾತ್ರವೇ ಬರುತ್ತಿದ್ದಾರೆ.
ಒಟಿಟಿ ಪ್ಲಾಟ್‌ಫಾರಂ ಮೊರೆ: ಚಿತ್ರಮಂದಿರಗಳಿಗೆ ದೊಡ್ಡ ಪ್ರೇಕ್ಷಕ ಗಣವಾಗಿದ್ದ ಯುವಕ ಯುವತಿಯರು, ವಿದ್ಯಾರ್ಥಿ ಗಳು ಕೊರೊನಾ ಕಾಲಘಟ್ಟದಲ್ಲಿ ಸಿನಿಮಾಗಳನ್ನು ಒಟಿಟಿ ಪ್ಲಾಟ್‌ಫಾರಂನಲ್ಲಿ ನೋಡುವುದು ಅಭ್ಯಾಸ ಮಾಡಿಕೊಂಡಿ ದ್ದಾರೆ. ಜೊತೆಗೆ ವಿವಿಧ ಆ್ಯಪ್‌ಗ್ಳ ಮೂಲಕ ಬಿಡುಗಡೆಯಾದಸಿನಿಮಾಗಳು ಮೊಬೈಲ್‌ ತಲುಪುತ್ತಿರುವುದರಿಂದಲೂ ಚಿತ್ರಮಂದಿ ರಗಳತ್ತ ಪ್ರೇಕ್ಷಕರು ಬರುತ್ತಿಲ್ಲ.
ಟಿಕೆಟ್‌ ದರ ಜಾಸ್ತಿ: ಕುಟುಂಬ ಸದಸ್ಯರು ಒಟ್ಟಾಗಿ ಚಿತ್ರಮಂದಿ ರಕ್ಕೆ ಬರುವಂತ ವಾತಾವರಣ ಇನ್ನೂ ನಿರ್ಮಾಣವಾಗಿಲ್ಲ. ಅಲ್ಲದೇ ಕೋಲಾರದಂತ ಗಡಿ ಜಿಲ್ಲೆಯಲ್ಲಿ ಚಿತ್ರಮಂದಿರಗಳ ಟಿಕೆಟ್‌ ದರವನ್ನು 200, 150, 100 ರೂ.ಇರುವುದು ಕಷ್ಟದಲ್ಲಿರುವ ಪ್ರೇಕ್ಷಕ ರನ್ನು ಚಿತ್ರಮಂದಿರಗಳತ್ತ ಬಾರದಂತೆ ಮಾಡಿಬಿಟ್ಟಿದೆ.ದರ ಇಳಿದರೆ ಹೆಚ್ಚು ಜನ ಆಗಮನ: ದುಬಾರಿ ದುಡ್ಡು ಕೊಟ್ಟು ಚಿತ್ರ ವೀಕ್ಷಿಸುವ ಮಂದಿ ಕೋಲಾರದಿಂದ ಕೇವಲ ಐವತ್ತು ಕಿ.ಮೀ ದೂರದಲ್ಲಿ ಬೆಂಗಳೂರು ರಸ್ತೆಯಲ್ಲಿರುವ ಮಾಲ್‌ಗ‌ಳಿಗೆ ವಾರಾಂತ್ಯಗಳಲ್ಲಿ ಹೋಗಿ ಚಿತ್ರ ವೀಕ್ಷಿಸುವ ಅಭ್ಯಾಸವನ್ನಿಟುಟಕೊಂಡಿದ್ದಾರೆ. ಟಿಕೆಟ್‌ ದರ 50, 100 ಒಳಗೆ ಇದ್ದರೆ ಕೋಲಾರದ ಜನ ಅದರಲ್ಲೂ ವಿದ್ಯಾರ್ಥಿ ಯುವ ಜನಾಂಗ ಹೆಚ್ಚು ಚಿತ್ರಮಂದಿರಗಳಿಗೆ ಬಂದು ಚಿತ್ರ ವೀಕ್ಷಣೆ ಮಾಡಬಹುದು ಎಂಬ ನಿರೀಕ್ಷೆ ಇದೆ.
ಕೆ.ಎಸ್‌.ಗಣೇಶ್
