ಸತತ 6 ಶತಕಗಳ ದಾಖಲೆ ತಪ್ಪಿಸಿಕೊಂಡ ಸಂಗಕ್ಕರ

ಲಂಡನ್‌: ಇಂಗ್ಲಿಷ್‌ ಕೌಂಟಿಯಲ್ಲಿ ಆಡುತ್ತಿರುವ ಲಂಕಾದ ಕುಮಾರ ಸಂಗಕ್ಕರ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಸತತ 6 ಶತಕ ಬಾರಿಸಿ ಡೊನಾಲ್ಡ್‌ ಬ್ರಾಡ್‌ಮನ್‌ ಅವರ ವಿಶ್ವದಾಖಲೆಯ ಸಾಲಿನಲ್ಲಿ ಕಾಣಿಸಿಕೊಳ್ಳುವ ಅವಕಾಶವನ್ನು ಸ್ವಲ್ಪ ದರಲ್ಲೇ ಕಳೆದುಕೊಂಡರು.

ಸರ್ರೆ ತಂಡದ ಪರ ಆಡುತ್ತಿರುವ ಸಂಗಕ್ಕರ ಚೇಮ್ಸ್‌ಫ‌ರ್ಡ್‌ನಲ್ಲಿ ಎಸೆಕ್ಸ್‌ ವಿರುದ್ಧ ನಡೆದ “ಡಿವಿಷನ್‌ ಒನ್‌’ ಪಂದ್ಯದ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 84 ರನ್ನಿಗೆ ಔಟಾಗುವುದರೊಂದಿಗೆ ಇತಿಹಾಸದಿಂದ ದೂರವೇ ಉಳಿಯಬೇಕಾಯಿತು. ಮೊದಲ ಇನ್ನಿಂಗ್ಸ್‌ನಲ್ಲಿ ಅವರು 200 ರನ್‌ ಬಾರಿಸಿದ್ದರು. ಇದಕ್ಕೂ ಹಿಂದಿನ ಸತತ 4 ಇನ್ನಿಂಗ್ಸ್‌ಗಳಲ್ಲಿ 136, 105, 114 ಮತ್ತು 120 ರನ್‌ ಬಾರಿಸಿದ ಸಾಧನೆಯೊಂದಿಗೆ ಸಂಗಕ್ಕರ ಗುರುತಿಸಲ್ಪಟ್ಟಿದ್ದರು.

ಆರು ಶತಕ ಸಾಧಕರು
ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಸತತ 6 ಶತಕ ಬಾರಿಸಿದ ವಿಶ್ವದಾಖಲೆ ಮೂವರ ಹೆಸರಲ್ಲಿದೆ. ಈ ಸಾಧಕರೆಂದರೆ ಸಿ.ಬಿ. ಫ್ರೈ (1901), ಡಾನ್‌ ಬ್ರಾಡ್‌ಮನ್‌ (1938-39) ಮತ್ತು ಮೈಕ್‌ ಪ್ರಾಕ್ಟರ್‌ (1970-71). 

ಸತತ 5 ಶತಕಗಳನ್ನು ಬಾರಿಸಿದ ಇತರರೆಂದರೆ ಎವರ್ಟನ್‌ ವೀಕ್ಸ್‌ (1955-56), ಬ್ರಿಯಾನ್‌ ಲಾರಾ (1993-94), ಮೈಕ್‌ ಹಸ್ಸಿ (2003) ಮತ್ತು ಪಾರ್ಥಿವ್‌ ಪಟೇಲ್‌ (2007-08).