ಟಿ-20: 250 ರನ್‌ ಸಿಡಿಸಿ ದಾಖಲೆ ಬರೆದ ಇಂಗ್ಲೆಂಡ್‌ ವನಿತೆಯರು!

ಲಂಡನ್‌: ಇಂಗ್ಲೆಂಡ್‌ ಪುರುಷರ ಕ್ರಿಕೆಟ್‌ ತಂಡ 481 ರನ್‌ಗಳ ದಾಖಲೆ ಮೊತ್ತ ಪೇರಿಸಿ ಐತಿಹಾಸಿಕ ಜಯ ದಾಖಲಿಸಿದ 2 ದಿನಗಳ ಬೆನ್ನಲ್ಲೇ ಇಂಗ್ಲೆಂಡ್‌ ಮಹಿಳಾ ತಂಡ ಟಿ-20ಯಲ್ಲಿ  250 ರನ್‌ಗಳನ್ನು ಕಲೆ ಹಾಕಿ ಹೊಸ ದಾಖಲೆ ಬರೆದಿದೆ. 

ಇಂಗ್ಲೆಂಡ್‌, ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲ್ಯಾಂಡ್‌ ನಡುವಿನ ತ್ರಿಕೋನ ಸರಣಿಯಲ್ಲಿ ಸತತ ದಾಖಲೆಗಳು ಒಂದೇ ದಿನ ನಿರ್ಮಾಣವಾಗಿದೆ.

ಮೊದಲು ನಡೆದ ಪಂದ್ಯಾವಳಿಯಲ್ಲಿ  ನ್ಯೂಜಿಲ್ಯಾಂಡ್‌ 20 ಓವರ್‌ಗಳಲ್ಲಿ  1 ವಿಕೆಟ್‌ ನಷ್ಟಕ್ಕೆ 216 ರನ್‌ ಪೇರಿಸಿತ್ತು. ಗುರಿ ಬೆನ್ನಟ್ಟಿದ ದಕ್ಷಿಣ  ಆಫ್ರಿಕಾ 6 ವಿಕೆಟ್‌ ನಷ್ಟಕ್ಕೆ 150 ರನ್‌ಗಳನ್ನು ಗಳಿಸಲಷ್ಟೇ ಶಕ್ತವಾಯಿತು. ನ್ಯೂಜಿಲ್ಯಾಂಡ್‌ 66 ರನ್‌ಗಳ ಜಯ ಗಳಿಸಿತು.

ಇನ್ನೊಂದು ಪಂದ್ಯದಲ್ಲಿ  ಸಿಡಿದೆದ್ದ ಇಂಗ್ಲೆಂಡ್‌ ವನಿತೆಯರು 20 ಓವರ್‌ಗಳಲ್ಲಿ 3 ವಿಕೆಟ್‌ ನಷ್ಟಕ್ಕೆ 250 ರನ್‌ ಕಲೆ ಹಾಕಿ ಮಹಿಳಾ ಟಿ-20 ಗರಿಷ್ಠ ಸ್ಕೋರ್‌ ದಾಖಲೆ ನಿರ್ಮಿಸಿದರು. 

ಮೊದಲೆ ಸೋತು ಹೋಗಿದ್ದ  ದಕ್ಷಿಣ ಆಫ್ರಿಕಾ ಗುರಿ ಬೆನ್ನಟ್ಟಿ   6  ವಿಕೆಟ್‌ ಕಳೆದುಕೊಂಡು 129 ರನ್‌ಗಳನ್ನು ಮಾತ್ರ ಗಳಿಸಲು ಶಕ್ತವಾಯಿತು. ಇಂಗ್ಲೆಂಡ್‌ 121 ರನ್‌ಗಳ ಐತಿಹಾಸಿಕ ಜಯ ದಾಖಲಿಸಿದರು.