ಲಂಡನ್‌: ಮುಂಬರುವ ಭಾರತ ಪ್ರವಾಸ ಮತ್ತು ಐಸಿಸಿ ಚಾಂಪಿಯನ್ಸ್‌ ಟ್ರೋಫಿಗೆ ಇಂಗ್ಲೆಂಡ್‌ ತಂಡವನ್ನು ಪ್ರಕಟಿಸಿದೆ. 50 ಓವರ್‌ಗಳ ಏಕದಿನ ಸರಣಿಗೆ ವರ್ಷದ ಬಳಿಕ ಜೋ ರೂಟ್‌ ಅವರು ತಂಡಕ್ಕೆ ಮರಳಿದ್ದಾರೆ.
ರೂಟ್‌ ಅವರು ಈ ಹಿಂದೆ ಭಾರತದಲ್ಲಿ ನಡೆದ 2023ರ ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್‌ ಪರ ಆಡಿದ್ದರು. ಆಲ್‌ರೌಂಡರ್‌ ಮತ್ತು ಟೆಸ್ಟ್‌ ನಾಯಕ ಬೆನ್‌ ಸ್ಟೋಕ್ಸ್‌ ಅವರನ್ನು ಆಯ್ಕೆಗೆ ಪರಿಗಣಿಸಿಲ್ಲ. ಅವರು ನ್ಯೂಜಿಲ್ಯಾಂಡ್‌ ವಿರುದ್ಧದ ಮೂರನೇ ಟೆಸ್ಟ್‌ ವೇಳೆ ಗಾಯಗೊಂಡಿದ್ದರು.
ಅನುಭವಿ ಬ್ಯಾಟ್ಸ್‌ಮನ್‌ ಜೋಸ್‌ ಬಟ್ಲರ್‌ ತಂಡವನ್ನು ಮುನ್ನಡೆಸಲಿದ್ದಾರೆ. ಅವರು ಭಾರತ ವಿರುದ್ಧದ ಟಿ20 ಸರಣಿಯಲ್ಲೂ ತಂಡದ ನಾಯಕರಾಗಿರುತ್ತಾರೆ.
ಭಾರತ ಪ್ರವಾಸದ ವೇಳೆ ಇಂಗ್ಲೆಂಡ್‌ ತಂಡವು ಐದು ಪಂದ್ಯಗಳ ಟಿ20 ಸರಣಿ ಮತ್ತು ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಆಡಲಿದೆ. ಈ ವರ್ಷದ ಆರಂಭದಲ್ಲಿ ಭಾರತ ವಿರುದ್ಧ ಟೆಸ್ಟ್‌ಗೆ ಪಾದಾರ್ಪಣೆಗೈದಿದ್ದ ಲೆಗ್‌ ಸ್ಪಿನ್ನರ್‌ ರೆಹಾನ್‌ ಅಹ್ಮದ್‌ ಅವರನ್ನು ಟಿ20 ತಂಡದಲ್ಲಿ ಸೇರಿಸಲಾಗಿದೆ.
ಇಂಗ್ಲೆಂಡ್‌ ಏಕದಿನ ತಂಡ: ಜೋಸ್‌ ಬಟ್ಲರ್‌ (ನಾಯಕ), ಜೋಫ್ರಾ ಆರ್ಚರ್‌, ಗಸ್‌ ಅಟ್ಕಿನ್ಸನ್‌, ಜಾಕಬ್‌ ಬೆಥೆಲ್‌, ಹ್ಯಾರಿ ಬ್ರೂಕ್‌, ಬ್ರೈಡನ್‌ ಕಾರ್ಸ್‌, ಬೆನ್‌ ಡಕೆಟ್‌, ಜಾಮಿ ಒವರ್ಟನ್‌, ಜಾಮಿ ಸ್ಮಿತ್‌, ಲಿಯಮ್‌ ಲಿವಿಂಗ್‌ಸ್ಟೋನ್‌, ಅದಿಲ್‌ ರಶೀದ್‌, ಜೋ ರೂಟ್‌, ಸಕಿಬ್‌ ಮಹಮೂದ್‌, ಫಿಲ್‌ ಸಾಲ್ಟ್, ಮಾರ್ಕ್‌ ವುಡ್‌.
ಇಂಗ್ಲೆಂಡ್‌ T 20 ತಂಡ: ಜೋಸ್‌ ಬಟ್ಲರ್‌ (ನಾಯಕ), ರೆಹಾನ್‌ ಅಹ್ಮದ್‌, ಜೋಫ್ರಾ ಆರ್ಚರ್‌, ಗಸ್‌ ಅಟ್ಕಿನ್ಸನ್‌, ಜಾಕಬ್‌ ಬೆಥೆಲ್‌, ಹ್ಯಾರಿ ಬ್ರೂಕ್‌, ಬ್ರೈಡನ್‌ ಕಾರ್ಸ್‌, ಬೆನ್‌ ಡಕೆಟ್‌, ಜಾಮಿ ಒವರ್ಟನ್‌, ಜಾಮಿ ಸ್ಮಿತ್‌, ಲಿಯಮ್‌ ಲಿವಿಂಗ್‌ಸ್ಟೋನ್‌, ಅದಿಲ್‌ ರಶೀದ್‌, ಸಕಿಬ್‌ ಮಹಮೂದ್‌, ಫಿಲ್‌ ಸಾಲ್ಟ್, ಮಾರ್ಕ್‌ ವುಡ್‌.
ಭಾರತ-ಇಂಗ್ಲೆಂಡ್‌ ಟಿ20 ಸರಣಿ
ಪಂದ್ಯ ದಿನಾಂಕ ಸ್ಥಳ
ಪ್ರಥಮ ಜ. 22 ಕೋಲ್ಕತಾ
ದ್ವಿತೀಯ ಜ. 25 ಚೆನ್ನೈ
ತೃತೀಯ ಜ. 28 ರಾಜ್‌ಕೋಟ್‌
ಚತುರ್ಥ ಜ. 31 ಪುಣೆ
ಪಂಚಮ ಫೆ. 2 ಮುಂಬಯಿ
ಭಾರತ-ಇಂಗ್ಲೆಂಡ್‌ ಏಕದಿನ ಸರಣಿ
ಪಂದ್ಯ ದಿನಾಂಕ ಸ್ಥಳ
ಪ್ರಥಮ ಫೆ. 6 ನಾಗ್ಪುರ
ದ್ವಿತೀಯ ಫೆ. 9 ಕಟಕ್‌
ತೃತೀಯ ಫೆ. 12 ಅಹ್ಮದಾಬಾದ್‌
