ಇಂಗ್ಲೆಂಡ್‌ ಕ್ರಿಕೆಟಿಗರಲ್ಲಿ ಕೋವಿಡ್‌-19 ಪಾಸಿಟಿವ್‌ ಇಲ್ಲ

ಲಂಡನ್‌: ಕೋವಿಡ್‌-19 ಪರೀಕ್ಷೆಗೆ ಒಳಗಾದ ಇಂಗ್ಲೆಂಡಿನ ಎಲ್ಲ ಕ್ರಿಕೆಟಿಗರಲ್ಲೂ ನೆಗೆಟಿವ್‌ ಫ‌ಲಿತಾಂಶ ಕಂಡುಬಂದಿದೆ.

ಜೂ. 3ರಿಂದ ಜೂ. 23ರ ವರೆಗಿನ ಅವಧಿಯಲ್ಲಿ ಕ್ರಿಕೆಟಿಗರು, ಕ್ರಿಕೆಟ್‌ ಅಧಿಕಾರಿಗಳು, ಸಹಾಯಕ ಸಿಬಂದಿ, ಹೊಟೇಲ್‌ ಸಿಬಂದಿ, ಕ್ರೀಡಾಂಗಣಗಳ ನೌಕರರು ಸೇರಿದಂತೆ ಒಟ್ಟು 702 ಮಂದಿಗೆ ಕೋವಿಡ್‌-19 ಟೆಸ್ಟ್‌ ನಡೆಸಲಾಗಿತ್ತು. ಯಾರಲ್ಲೂ ಪಾಸಿಟಿವ್‌ ಇಲ್ಲ ಎಂದು ಇಸಿಬಿ ತನ್ನ ಪ್ರಕಟನೆಯಲ್ಲಿ ತಿಳಿಸಿದೆ.

2ನೇ ಸಲ ಪರೀಕ್ಷೆಗೆ ಒಳಗಾದ ಇಂಗ್ಲೆಂಡ್‌ ವೇಗಿ ಜೋಫ್ರಾ ಆರ್ಚರ್‌ ಫ‌ಲಿತಾಂಶವೂ ನೆಗೆಟಿವ್‌ ಬಂದಿದ್ದು, ಅವರು ಗುರುವಾರ ಒಳಾಂಗಣ ಅಭ್ಯಾಸಕ್ಕೆ ಹಾಜರಾಗಿದ್ದಾರೆ.