ಮಂಗಳಯಾನ ಮುಕ್ತಾಯ: ಇಸ್ರೋ ಸ್ಪಷ್ಟನೆ

ಹೊಸದಿಲ್ಲಿ: ಮಂಗಳಯಾನ ಸಂಪರ್ಕ ಸ್ಥಗಿತಗೊಳಿಸಿರುವ ಬಗ್ಗೆ ಸೋಮವಾರ ಭಾರತೀಯ ಬಾಹ್ಯಾಕಾಶ ಸಂಶೋಧನ ಸಂಸ್ಥೆ (ಇಸ್ರೋ) ಖಚಿತಪಡಿಸಿದೆ.

ಅ.2ರಂದು ಮಂಗಳಯಾನ ಪೂರ್ಣ ಪ್ರಮಾಣದಲ್ಲಿ ಸಂಪರ್ಕ ಕಡಿತಗೊಂಡಿದ್ದ ಬಗ್ಗೆ ವರದಿ ಪ್ರಕಟವಾಗಿದ್ದರೂ ಇಸ್ರೋ ವತಿಯಿಂದ ಸ್ಪಷ್ಟನೆ ಲಭ್ಯವಾಗಿರಲಿಲ್ಲ.

ಸೆ.27ರಂದು ಯೋಜನೆ ಎಂಟು ವರ್ಷಗಳನ್ನು ಪೂರ್ತಿಗೊಳಿಸಿದ್ದರ ಬಗ್ಗೆ ಸಭೆ ನಡೆಸಲಾಗಿತ್ತು.
ಮಂಗಳಯಾನದ ಗಗನ ನೌಕೆಯ ಕಾರ್ಯಾವಧಿ ಮುಕ್ತಾಯಗೊಂಡಿದೆ ಮತ್ತು ಅದರ ಜತೆಗೆ ಮತ್ತೆ ಸಂಪರ್ಕ ಸಾಧಿಸಲು ಸಾಧ್ಯವಾಗುತ್ತಿಲ್ಲ ಎಂದು ಸಭೆಗೆ ತಿಳಿಸಲಾಗಿತ್ತು ಎಂದು ಇಸ್ರೋ ಹೇಳಿದೆ.