ಲಂಕೆಯಲ್ಲಿ ಎಮರ್ಜೆನ್ಸಿ; ಆದ್ರೆ ಟಿ-20 ಸರಣಿ ನಡೆಯುತ್ತೆ !

ಕೊಲಂಬೋ/ಹೊಸದಿಲ್ಲಿ : ಕ್ರಿಕೆಟ್‌ ಪ್ರೇಮಿಗಳು ಕಾತರದಂದ ಎದುರು ನೋಡುತ್ತಿರುವ ಮೂರು ರಾಷ್ಟ್ರಗಳ ಟಿ-20 ಸರಣಿಗೆ ಲಂಕೆಯಲ್ಲಿ ಘೋಷಿಸಲ್ಪಟ್ಟಿರುವ ತುರ್ತು ಪರಿಸ್ಥಿತಿಯಿಂದ ಯಾವುದೇ ಬಾಧೆ ಇಲ್ಲ; ಸರಣಿಯು ವೇಳಾ ಪಟ್ಟಿ ಪ್ರಕಾರ ಯಾವುದೇ ಅಡೆತಡೆ ಇಲ್ಲದೆ ನಡೆಯುತ್ತದೆ ಎಂದು ಬಿಸಿಸಿಐ ಇಂದು ಹೇಳಿದೆ.

“ಟಿ-20 ಪಂದ್ಯಾವಳಿ ನಡೆಯುವ ಕೊಲಂಬೋದಲ್ಲಿ ಪರಿಸ್ಥಿತಿ ಮಾಮೂಲಿಯಂತಿದೆ. ಪರಿಸ್ಥಿತಿ ವಿಷಮಿಸಿರುವುದು ಕ್ಯಾಂಡಿಯಲ್ಲೇ ವಿನಾ ಕೊಲಂಬೋದಲ್ಲಿ ಅಲ್ಲ. ಹಾಗಾಗಿ ಟಿ-20 ಸರಣಿಗೇನೂ ಬಾಧೆ ಇಲ್ಲ’ ಎಂದು ಬಿಸಿಸಿಐ ಭಾರತ-ಲಂಕಾ ಟಿ-20 ಪಂದ್ಯ ಆರಂಭವಾಗುವುದಕ್ಕೆ ಕೆಲವೇ ತಾಸು ಇರುವಾಗ ತನ್ನ ಅಧಿಕೃತ ಪ್ರಕಟನೆ ಹೊರಡಿಸಿತು. 

“ಲಂಕಾದಲ್ಲಿ ಕರ್ಫ್ಯೂ ಹೇರಲಾಗಿರುವ ಬಗ್ಗೆ, ತುರ್ತು ಪರಿಸ್ಥಿತಿ ಘೋಷಿಸಲಾಗಿರುವ ಬಗ್ಗೆ ವರದಿಗಳಿವೆ. ಆದರೆ ಪರಿಸ್ಥಿತಿ ವಿಷಮಿಸಿರುವುದು ಕ್ಯಾಂಡಿಯಲ್ಲೇ ವಿನಾ ಕೊಲಂಬೋದಲ್ಲಿ ಅಲ್ಲ. ತಂಡ ಭದ್ರತೆಯ ಹೊಣೆಗಾರಿಕೆ ಇರುವ ಸಚಿವಾಲಯ ಭದ್ರತಾ ವಿಭಾಗದ ಸಿಬಂದಿಗಳ ಪ್ರಕಾರ ಕೊಲಂಬೋದಲ್ಲಿ  ಪರಿಸ್ಥಿತಿ ಚೆನ್ನಾಗಿದೆ ಮತ್ತು ಅದು ಮಾಮೂಲಿಯಂತಿದೆ’ ಎಂದು ಭಾರತೀಯ ತಂಡದ ಮಾಧ್ಯಮ ವಿಭಾಗ ಕೊಲಂಬೋದಿಂದ ಹೊರಡಿಸಿರುವ ಅಧಿಕೃತ press note ತಿಳಿಸಿದೆ.