ಆಪ್ ನಿಂದ ದೆಹಲಿಯಾದ್ಯಂತ ಕಸದಿಂದ ಮಾಡಿದ ರಾವಣನ ಪ್ರತಿಕೃತಿಗಳ ದಹನ

ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ಸ್ವಚ್ಛತೆ ಕಾಪಾಡುವಲ್ಲಿ ಬಿಜೆಪಿ ವಿಫಲವಾಗಿರುವುದನ್ನು ವಿರೋಧಿಸಿ ಎಎಪಿ ಮಂಗಳವಾರ ಸುಮಾರು 3,500 ಸ್ಥಳಗಳಲ್ಲಿ ಕಸದಿಂದ ಮಾಡಿದ ರಾವಣನ ಪ್ರತಿಕೃತಿಗಳನ್ನು ದಹಿಸಲಿದೆ ಎಂದು ಅರವಿಂದ್ ಕೇಜ್ರಿವಾಲ್ ನೇತೃತ್ವದ ಪಕ್ಷ ತಿಳಿಸಿದೆ.

ಸೋಮವಾರ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ರಾಜಿಂದರ್ ನಗರ ಶಾಸಕ ದುರ್ಗೇಶ್ ಪಾಠಕ್, ಆಮ್ ಆದ್ಮಿ ಪಕ್ಷದ ಮುಖಂಡರು ಮತ್ತು ಬೆಂಬಲಿಗರು ಆಯಾ ಸ್ಥಳಗಳಲ್ಲಿ ಪ್ರತಿಕೃತಿ ದಹನದ ನಂತರ ಪ್ರತಿಭಟನೆಗಳನ್ನು ನಡೆಸಲಿದ್ದಾರೆ ಮತ್ತು ದೆಹಲಿ ಮುನ್ಸಿಪಲ್ ಚುನಾವಣೆಯನ್ನು ಶೀಘ್ರವಾಗಿ ನಡೆಸಬೇಕೆಂದು ಒತ್ತಾಯಿಸುತ್ತಾರೆ ಎಂದರು.

ಇದನ್ನೂ ಓದಿ : ಬಿಎಂಟಿಸಿ & ಕೆಎಸ್‌ಆರ್‌ಟಿಸಿ; ಬಸ್‌ ಪೂಜೆಗೆ ಕೇವಲ 100 ರೂ.: ಸಿಬಂದಿಗೆ ನಿರಾಸೆ

ಕಸವನ್ನು ಸುಡುವುದು ಕಾನೂನುಬಾಹಿರ ಮತ್ತು ಅಂತಹ ಪ್ರತಿಭಟನೆಯು ವಾಯು ಮಾಲಿನ್ಯವನ್ನು ಹೆಚ್ಚಿಸುತ್ತದೆ ಎಂದು ಸೂಚಿಸಿದಾಗ, ಪಾಠಕ್ ಇದು ಕೇವಲ “ಸಾಂಕೇತಿಕ” ಕ್ರಮವಾಗಿದೆ ಎಂದರು.

ಎಎಪಿ ಆರೋಪಕ್ಕೆ ಎಂಸಿಡಿ ಅಥವಾ ಬಿಜೆಪಿಯಿಂದ ತಕ್ಷಣದ ಪ್ರತಿಕ್ರಿಯೆ ಬಂದಿಲ್ಲ.

ಎಲ್ಲಾ ಮೂರು ಹಿಂದಿನ ಮುನ್ಸಿಪಲ್ ಕಾರ್ಪೊರೇಶನ್‌ಗಳು ಒಂದಾಗುವವರೆಗೂ ಬಿಜೆಪಿಯಿಂದ ಆಳಲ್ಪಟ್ಟವು ಮತ್ತು ಮೇ ತಿಂಗಳಲ್ಲಿ ಮುನ್ಸಿಪಲ್ ಕಾರ್ಪೊರೇಶನ್ ಆಫ್ ದೆಹಲಿ (MCD) ಎಂದು ಮರುನಾಮಕರಣ ಮಾಡಲಾಯಿತು.