1.16 ಕೋಟಿಯ ಕಾರ್ತಿ ಆಸ್ತಿ ಜಪ್ತಿ

ಹೊಸದಿಲ್ಲಿ: ಏರ್‌ಸೆಲ್‌-ಮ್ಯಾಕ್ಸಿಸ್‌ ಡೀಲ್‌ ಹಣಕಾಸು ಅಕ್ರಮ ಸಂಬಂಧ ಕೇಂದ್ರದ ಮಾಜಿ ಸಚಿವ ಪಿ.ಚಿದಂಬರಂ ಅವರ ಪುತ್ರ ಕಾರ್ತಿ ಚಿದಂಬರಂ ಅವರಿಗೆ ಸೇರಿದ 1.16 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ಜಾರಿ ನಿರ್ದೇಶನಾಲಯ ಸೋಮವಾರ ಮುಟ್ಟುಗೋಲು ಹಾಕಿಕೊಂಡಿದೆ.

ಕಾರ್ತಿ ಅವರಿಗೆ ನಂಟಿರುವ ಸಂಸ್ಥೆಯ 26 ಲಕ್ಷ ರೂ. ನಿಗದಿತ ಠೇವಣಿ ಹಾಗೂ ಕಾರ್ತಿ ಅವರ ಉಳಿತಾಯ ಖಾತೆಯಲ್ಲಿರುವ ಮೊತ್ತ ಮತ್ತು ನಿಗದಿತ ಠೇವಣಿಯಲ್ಲಿರುವ 90 ಲಕ್ಷ ರೂ.ಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ ಎಂದು ಇ.ಡಿ. ತಿಳಿಸಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮಾಜಿ ಸಚಿವ ಚಿದಂಬರಂ, “ನನ್ನ ಪುತ್ರನ ವಿರುದ್ಧದ ಕ್ರಮವು ಸುಳ್ಳುಗಳು ಹಾಗೂ ಊಹೆಗಳ ಮಿಶ್ರಣ’ ಎಂದಿದ್ದಾರೆ.