ತಪ್ಪಿದ ಭಾರಿ ದುರಂತ; ಒಂದೇ ಟ್ರ್ಯಾಕ್‌ನಲ್ಲಿ 3 ರೈಲುಗಳು!

ಅಲಹಾಬಾದ್‌: ಉತ್ತರಪ್ರದೇಶದಲ್ಲಿ ಮಂಗಳವಾರ ನಡೆಯಬೇಕಾಗಿದ್ದ ಭಾರಿ ರೈಲು ಅವಘಡವೊಂದು ಸಿಬಂದಿಗಳ ಸಕಾಲಿಕ ಸಮಯಪ್ರಜ್ಞೆಯಿಂದ ತಪ್ಪಿಹೋಗಿದೆ.

ವರದಿಯಾದಂತೆ ದುರಂತೋ ಎಕ್ಸ್‌ಪ್ರೆಸ್‌, ಹತಿಯಾ -ಆನಂದ್‌ ವಿಹಾರ್‌ ಎಕ್ಸ್‌ಪ್ರೆಸ್‌ ಮತ್ತು ಮಹಾಬೋಧಿ ಎಕ್ಸ್‌ಪ್ರೆಸ್‌ ರೈಲುಗಳು ಒಂದೇ ಹಳಿಯಲ್ಲಿ ಸಂಚರಿಸುತ್ತಿದ್ದು, ರೈಲ್ವೇ ಸಿಬಂದಿಗಳು ಅವಘಡವನ್ನು ತಡೆದಿದ್ದಾರೆ ಎಂದು ತಿಳಿದು ಬಂದಿದೆ. 

ಯಾವ ಕಾರಣಕ್ಕಾಗಿ ಒಂದೇ ಹಳಿಯಲ್ಲಿ 3 ರೈಲುಗಳು ಸಂಚರಿಸುವಂತಾಯ್ತು ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದ್ದು, ಅಧಿಕಾರಿಗಳು ಪರಿಶೀಲನೆ ನಡೆಸುತ್ತಿದ್ದಾರೆ. 

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.