ಬಾವಿಗಳಿಗೆ ಒಳಚರಂಡಿ ನೀರು

ಮಹಾನಗರ: ಕುಲಶೇಖರದ ಮೇಗಿನಮನೆ ಪ್ರದೇಶದಲ್ಲಿ ಒಳಚರಂಡಿ ನೀರು ಸೋರಿಕೆಯಾಗಿ ಸುಮಾರು 10ಕ್ಕೂ ಅಧಿಕ ಬಾವಿಗಳ ನೀರು ಸಂಪೂರ್ಣ ಕಲುಷಿತಗೊಂಡಿದ್ದು, ಈ ಬಗ್ಗೆ ಉದಯವಾಣಿ ಸುದಿನ ಬಾವಿಗೆ ಬರುತ್ತಿದೆ ಮೋರಿ ನೀರು ಅಧಿಕಾರಿಗಳೆಲ್ಲಿಹರು? ಶೀರ್ಷಿಕೆಯಡಿ ಲೇಖನ ಪ್ರಕಟಿಸಿತ್ತು. ಆದಾದ ಬಳಿಕ ಮೇಯರ್‌ ಕವಿತಾ ಸನಿಲ್‌ ಮತ್ತು ತಂಡ ಗುರುವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿತು.

12 ಬಾವಿಗಳಿಗೆ ಡ್ರೈನೇಜ್‌ ನೀರು ಹೋಗಿ ಕಲುಷಿತಗೊಂಡಿರುವುದು ನಿಜ. ಈ ನಿಟ್ಟಿನಲ್ಲಿ ಅಮೃತ್‌ ಯೋಜನೆಯಡಿ ಕಾಮಗಾರಿ ಕೈಗೆತ್ತಿಕೊಳ್ಳಲು ನಿರ್ಧರಿಸಲಾಗಿದ್ದು, ಅಧಿಕಾರಿಗಳ ಬಳಿ ಆರ್‌ ಸಿಸಿ ಛೇಂಬರ್‌ ನಿರ್ಮಿಸಲು ಸೂಚನೆ ನೀಡಲಾಗಿದೆ. ಸಮಸ್ಯೆ ಸಂಪೂರ್ಣ ಬಗೆಹರಿಯಬೇಕಾದರೆ ಈ ಕಾಮಗಾರಿ ನಡೆಯುವ ವೇಳೆ ಸಾರ್ವಜನಿಕರ ಸಂಪೂರ್ಣ ಸಹಕಾರ ಬೇಕಾಗುತ್ತದೆ ಎಂದರು.

ನಗರ ಯೋಜನ ಸ್ಥಾಯೀ ಸಮಿತಿ ಅಧ್ಯಕ್ಷ ರವೂಫ್‌, ಕಾರ್ಪೊರೇಟರ್‌ ಅಜೀಜ್‌ ಬೈಕಂಪಾಡಿ ಮತ್ತು ಅಧಿಕಾರಿಗಳು ಉಪಸ್ಥಿತರಿದ್ದರು.