ಕೆವಿಜಿ  ಶಿಕ್ಷಣ ಸಂಸ್ಥೆಯಿಂದ ಡಾ|ಚಿದಾನಂದ ಅವರಿಗೆ ಸಮ್ಮಾನ

ಸುಳ್ಯ: ಸುಳ್ಯ, ಕೊಡಗು ಮತ್ತು ಬೆಂಗಳೂರಿನಲ್ಲಿರುವ ಕೆವಿಜಿ ಸಮೂಹ ಶಿಕ್ಷಣ ಸಂಸ್ಥೆಯ ಆಡಳಿತ, ಪ್ರಾಂಶುಪಾಲ ಮತ್ತು ಸಿಬಂದಿ ವರ್ಗದವರ ವತಿಯಿಂದ ಸಂಸ್ಥೆಯ ಅಧ್ಯಕ್ಷ ಡಾ| ಬಿ.ಸಿ. ರಾಯ್‌ರಾಜ್ಯ ಪ್ರಶಸ್ತಿ ಪುರಸ್ಕೃತ ಡಾ| ಕೆ.ವಿ. ಚಿದಾನಂದ ಅವರನ್ನು ಸಮ್ಮಾನಿಸುವ ಕಾರ್ಯಕ್ರಮ ಅಮರಶ್ರೀ ಬಾಗ್‌ನಲ್ಲಿ  ಶನಿವಾರ ನಡೆಯಿತು.

ಮಂಗಳೂರು  ನಿಟ್ಟೆ ವಿಶ್ವವಿದ್ಯಾಲಯದ ಉಪ ಕುಲಪತಿ  ಡಾ| ರಮಾನಂದ ಶೆಟ್ಟಿ  ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ, ಆಯಾಯ ಊರಿನ ಬೆಳವಣಿಗೆ ಖ್ಯಾತಿಯಲ್ಲಿ ಅಲ್ಲಿನ ಸಾಧಕರ ಪರಿಶ್ರಮವಿರುತ್ತದೆ. 

ಇಂದು ಸುಳ್ಯವನ್ನು ಗುರುತಿಸುವುದು ಡಾ| ಕುರುಂಜಿ ವೆಂಕಟರಮಣ ಗೌಡ ಅವರ ಹೆಸರಲ್ಲಿ. ಅವರು ಸ್ಥಾಪಿಸಿದ ಸಂಸ್ಥೆ ಗಳೆಲ್ಲವನ್ನು ಅವರ ಕಾಲಾನಂತರ ಉನ್ನತ ಸ್ಥಿತಿಯಲ್ಲಿ  ಮುಂದುವರಿಸುತ್ತಿರುವ ಡಾ| ಕೆ.ವಿ.ಚಿದಾನಂದ ಅವರ ಪರಿಶ್ರಮ ಕಾಳಜಿ ಶ್ಲಾಘನೀಯ. ಇಂದು ಪ್ರತಿಷ್ಠಿತ ಪ್ರಶಸ್ತಿ ದೊರೆತಿರುವುದು ಅವರ ಸೇವೆಗೆ ಸಂದ ಗೌರವವಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಎ.ಜೆ. ಇನ್ಸಿಟ್ಯೂಟ್‌ ಆಫ್‌ ಮೆಡಿಕಲ್‌ ಸೈನ್ಸ್‌ ಮತ್ತು ರೀಸರ್ಚ್‌ ಸೆಂಟರ್‌ನ ಪ್ರೊ| ಡಾ| ಕಲ್ಪನಾ ಶ್ರೀಧರ್‌ ಅವರು ಮಾತನಾಡಿ, ಮಾನವೀಯತೆ, ದಯಾಪರತೆ, ಕಠಿನ ದುಡಿಮೆಯಿಂದ ಆರೋಗ್ಯ ಕ್ಷೇತ್ರಕ್ಕೆ ತಮ್ಮ ಕೊಡುಗೆ ನೀಡುತ್ತಿರುವ ಡಾ|ಚಿದಾನಂದ ಅವರು ಸುಳ್ಯಕ್ಕೊಂದು ಹೆಮ್ಮೆ ಎಂದರು.

ಸಮ್ಮಾನ ಸ್ವೀಕರಿಸಿದ ಡಾ| ಕೆ.ವಿ. ಚಿದಾನಂದ ಅವರು ರೋಗಿಗಳೊಂದಿಗೆ ಉತ್ತಮ ಬಾಂಧವ್ಯ ಇಟ್ಟು ಕೊಂಡಿ ರು ವು ದ ರಿಂದ ಅವರನ್ನು ವಿಐಪಿಯಂತೆ ನೋಡಿಕೊಳ್ಳುತ್ತೇವೆ. ಕಡಿಮೆ ವೆಚ್ಚದಲ್ಲಿ ಉತ್ತಮ ಸೇವೆ ನೀಡುವುದು ನಮ್ಮ ಧ್ಯೇಯ. ತಂದೆಯ ಪ್ರೇರಣೆಯಿಂದ ಇದೆಲ್ಲ ಸಾಧ್ಯವಾಗಿದೆ ಎಂದರು.

ಕೆವಿಜಿ ಮೆಡಿಕಲ್‌ ಕಾಲೇಜಿನ ಡೀನ್‌ ಡಾ| ಶೀಲಾ ಜಿ.ನಾಯಕ್‌ ಅಭಿನಂದನ ಭಾಷಣ ಮಾಡಿ, ಸಮ್ಮಾನಿಸಿದರು. ಕೆವಿಜಿ ಕಾನೂನು ಕಾಲೇಜಿನ ಮಾಜಿ ಪ್ರಾಂಶುಪಾಲ ಪಡ್ಡಂಬೈಲ್‌ ವೆಂಕಟ್ರಮಣ ಗೌಡ ಅಧ್ಯ ಕ್ಷತೆ ವಹಿಸಿದ್ದರು.

ಮುಖ್ಯ ಅತಿಥಿಗಳಾಗಿ ಅಕಾಡೆಮಿ ಆಫ್‌ ಲಿಬರಲ್‌ ಎಜುಕೇಶನ್‌ ಪ್ರಧಾನ ಕಾರ್ಯದರ್ಶಿ ಡಾ| ರೇಣುಕಾಪ್ರಸಾದ್‌ ಕೆ.ವಿ., ಖಜಾಂಚಿ ಶೋಭಾ ಚಿದಾನಂದ, ಶ್ರೀಧರ್‌ ಮುರುಳ್ಯ ಮೊದಲಾದವರು ಭಾಗವಹಿಸಿದ್ದರು.

ಕೆವಿಜಿ ಡೆಂಟಲ್‌ ಕಾಲೇಜಿನ ಪ್ರಾಂಶುಪಾಲೆ ಡಾ| ಮೋಕ್ಷಾ ನಾಯಕ್‌ ಸ್ವಾಗತಿಸಿ, ಕೆವಿಜಿ ಎಂಜಿನಿಯರಿಂಗ್‌ ಕಾಲೇಜಿನ ಪ್ರಾಂಶುಪಾಲ , ಕಾರ್ಯಕ್ರಮ ಸಂಘಟಕ ಡಾ| ಎನ್‌.ಎ. ಜ್ಞಾನೇಶ್‌ ಪ್ರಾಸ್ತಾವಿಸಿದ ರು. ಕೆವಿಜಿ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲ ಡಾ| ಎನ್‌.ಎಸ್‌. ಶೆಟ್ಟರ್‌ ವಂದಿಸಿದರು.ಸಂಜೀವ ಕುದ್ಪಾಜೆ, ಬೇಬಿ ವಿದ್ಯಾ, ಲಕ್ಷ್ಮ ಣ ಯೇನೆಕಲ್ಲು ನಿರೂಪಿಸಿದರು. ಡಾ| ಗಿರಿಧರ ಗೌಡ ಸಮ್ಮಾನ ಪತ್ರ ವಾಚಿಸಿದರು. 

ಡಾ| ಗೀತಾ ದೊಪ್ಪ  ಮತ್ತು ಡಾ| ಯಶೋದಾ ರಾಮಚಂದ್ರ  ಅತಿಥಿಗಳನ್ನು ಪರಿಚಯಿಸಿದರು. ಕೆವಿಜಿ ಸಮೂಹ ಶಿಕ್ಷಣ ಸಂಸ್ಥೆಗಳ ಪ್ರಾಂಶುಪಾಲರುಗಳು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.