Ranji Trophy: 6000 ರನ್‌ + 400 ವಿಕೆಟ್‌ ಸಾಧಕ ಜಲಜ್‌ಗೆ 10 ಲಕ್ಷ ಪುರಸ್ಕಾರ

ನವದೆಹಲಿ: ರಣಜಿ ಇತಿಹಾಸದಲ್ಲಿ 6000 ರನ್‌ ಮತ್ತು 400 ವಿಕೆಟ್‌ ಉರುಳಿಸಿದ ಮೊದಲಿಗನಾಗಿ ದಾಖಲೆ ನಿರ್ಮಿಸಿದ್ದ ಕೇರಳ ಕ್ರಿಕೆಟ್‌ ತಂಡದ ಬ್ಯಾಟರ್‌ ಜಲಜ್‌ ಸಕ್ಸೇನಾಗೆ ಕೇರಳ ಕ್ರಿಕೆಟ್‌ ಸಂಸ್ಥೆ (ಕೆಸಿಎ) 10 ಲಕ್ಷ ರೂ. ನಗದು ಪುರಸ್ಕಾರ ಮತ್ತು ಸ್ಮರಣಿಕೆ ನೀಡಿ ಗೌರವಿಸಿದೆ.

37 ವರ್ಷದ ಸಕ್ಸೇನಾ, ರಣಜಿ 4ನೇ ಹಂತದ ಪಂದ್ಯದಲ್ಲಿ ಉತ್ತರಪ್ರದೇಶ ವಿರುದ್ಧ 6000 ರನ್‌, 400 ವಿಕೆಟ್‌ ಸಾಧನೆ ಮೆರೆದಿದ್ದರು. ಆರಂಭದಲ್ಲಿ ಮಹಾರಾಷ್ಟ್ರ ಪರ ಆಡುತ್ತಿದ್ದ ಜಲಜ್‌ ಸದ್ಯ ಕೇರಳ ಪರ ಆಡುತ್ತಿದ್ದಾರೆ.