ನೇರ ನಗದು ವರ್ಗಾವಣೆ: 50,000 ಕೋಟಿ ಉಳಿತಾಯ

ಹೊಸದಿಲ್ಲಿ: ನೇರ ನಗದು ವರ್ಗಾವಣೆ ಯೋಜನೆಯಿಂದ ಸರಕಾರಕ್ಕೆ ಕಳೆದ 3 ವರ್ಷಗಳಲ್ಲಿ 50 ಸಾವಿರ ಕೋಟಿ ರೂ. ಉಳಿತಾಯವಾಗಿದೆ ಎಂದು ಬಿಜೆಪಿ ರಾಷ್ಟ್ರೀಯ ಆಧ್ಯಕ್ಷ ಅಮಿತ್‌ ಶಾ ಹೇಳಿದ್ದಾರೆ. ಮೋದಿ ಸರಕಾರ ಅಧಿಕಾರಕ್ಕೆ ಬಂದ ಬಳಿಕ ನಗದು ನೇರ ವರ್ಗಾವಣೆಯಲ್ಲಿ 32 ಕೋಟಿ ಜನರಿಗೆ ಲಾಭವಾಗಿದೆ. ಸೋರಿಕೆ ಮತ್ತು ಮಧ್ಯವರ್ತಿ ಹಾವಳಿ ತಪ್ಪಿಸಿದ ಪರಿಣಾಮ ಫ‌ಲಾನುಭವಿಗಳಿಗೆ ಯಾವುದೇ  ಕಿರಿಕಿರಿ ಇಲ್ಲದೆ ಸೌಲಭ್ಯ ತಲುಪುತ್ತಿದೆ ಎಂದಿದ್ದಾರೆ. ಸರಕಾರದ ಸಬ್ಸಿಡಿಯ ಫ‌ಲವನ್ನು 32 ಕೋಟಿ ಜನರು ಪಡೆದುಕೊಂಡಿದ್ದರ ಜತೆಗೆ ಸರಕಾರಕ್ಕೆ 50 ಸಾವಿರ ಕೋಟಿ ರೂ. ಉಳಿತಾಯವಾಗಿದೆ ಎಂದೂ ಶಾ ಹೇಳಿದ್ದಾರೆ.