ಡೀಸೆಲ್‌ ದರ ದಾಖಲೆ ಏರಿಕೆ

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲ ದರಗಳು ಹೆಚ್ಚಾದ ಹಿನ್ನೆಲೆಯಲ್ಲಿ, ಭಾರತದಲ್ಲಿ ವಾಹನ ಸವಾರರಿಗೆ ಅದರ ಬಿಸಿ ಮುಟ್ಟಿದೆ. ಗುರುವಾರದ ದರಗಳ ಪ್ರಕಾರ, ಹೊಸದಿಲ್ಲಿಯಲ್ಲಿ ಡೀಸೆಲ್‌ ಬೆಲೆ ಪ್ರತಿ ಲೀಟರ್‌ಗೆ 61.74 ರೂ. ಆಗಿದ್ದರೆ, ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ಗೆ 62.78 ಇದೆ. ಹೊಸದಿಲ್ಲಿಯಲ್ಲಿ ಪೆಟ್ರೋಲ್‌ ಬೆಲೆ ಪ್ರತಿ ಲೀಟರ್‌ಗೆ 71.18 ರೂ. ಆಗಿದ್ದರೆ, ಬೆಂಗಳೂರಿನಲ್ಲಿ 62.78 ರೂ.ಗಳಿಗೆ ಬಂದು ತಲುಪಿದೆ. ಡೀಸೆಲ್‌ನ ಬೆಲೆ 61 ರೂ.ಗಳವರೆಗೆ ಏರಿಕೆಯಾಗಿರುವುದು ಹೊಸ ದಾಖಲೆ ಎಂದು ಮೂಲಗಳು ತಿಳಿಸಿದ್ದರೆ, 2014ರ ಆಗಸ್ಟ್‌ ನಂತರ, ಪೆಟ್ರೋಲ್‌ ಬೆಲೆ 71 ರೂ.ಗಳಿಗೆ ಬಂದು ಮುಟ್ಟಿದೆ ಎಂದು ಹೇಳಲಾಗಿದೆ.