ತನ್ನ ಹೆಸರಿನ ಪೆವಿಲಿಯನ್‌ ಉದ್ಘಾಟಿಸದ ಧೋನಿ!

ರಾಂಚಿ: ಎಂ.ಎಸ್‌.ಧೋನಿ ಜಾರ್ಖಂಡ್‌ನ‌ ರಾಂಚಿ ಕ್ರೀಡಾಂಗಣದಲ್ಲಿ ತನ್ನದೇ ಹೆಸರಿನ ಪೆವಿಲಿಯನ್‌ ಅನ್ನು ಉದ್ಘಾಟಿಸಲು ನಿರಾಕರಿಸಿದ್ದಾರೆ. 

ಜಾರ್ಖಂಡ್‌ ಕ್ರಿಕೆಟ್‌ ಸಂಸ್ಥೆ (ಜೆಎಸ್‌ಸಿಎ) ಧೋನಿಯ ಗೌರವಾರ್ಥವಾಗಿ ರಾಂಚಿ ಕ್ರೀಡಾಂಗಣದಲ್ಲಿನ ಪೆವಿಲಿಯನ್‌ವೊಂದಕ್ಕೆ “ಧೋನಿ ಪೆವಿಲಿಯನ್‌’ ಎಂದು ಹೆಸರಿಟ್ಟಿತ್ತು.

ಇದರ ಉದ್ಘಾಟನೆ ನಡೆಸಲು ಗುರುವಾರ ಧೋನಿ ಅಭ್ಯಾಸಕ್ಕೆ ಬಂದಾಗ ಪದಾಧಿಕಾರಿಗಳು ಕೇಳಿಕೊಂಡಿದ್ದರು. ಆದರೆ ಧೋನಿ
ಅದನ್ನು ನಿರಾಕರಿಸಿದ್ದರು. “ನನಗೆ ನನ್ನದೇ ಊರಿನಲ್ಲಿ ನೀಡುವ ಇಂತಹ ಗೌರವದಿಂದಾಗಿ ನಾನು ಪರವೂರಿನಲ್ಲಿದ್ದೇನೆ ಎನ್ನುವ ಭಾವನೆ ಮೂಡುತ್ತದೆ’ ಎಂದು ನಯವಾಗಿ ತಿರಸ್ಕರಿಸಿದ್ದರು.ತಕ್ಷಣ ಪದಾಧಿಕಾರಿಗಳು ಉದ್ಘಾಟನೆ ನಡೆಸುವ ಕಾರ್ಯವನ್ನು ಕೈಬಿಟ್ಟರು.