ಸಾಹಿತ್ಯ ಸಮ್ಮೇಳನದಲ್ಲಿ ಮಾಂಸಾಹಾರಕ್ಕೆ ಆಗ್ರಹ: ಬಾಡೂಟ ಮಾಡಿ ಆಹಾರ ಕ್ರಾಂತಿಗೆ ಕರೆ

ಮಂಡ್ಯ: ಜಿಲ್ಲೆಯ ವಿವಿಧ ಸಮುದಾಯಗಳ ಮುಖಂಡರು ನಗರದ ಜಿಲ್ಲಾಧಿಕಾರಿ ಕಚೇರಿ
ಆವರಣದಲ್ಲಿ ಶನಿವಾರ ಮಧ್ಯಾಹ್ನ ಬಾಡೂಟ (ಮಾಂಸದೂಟ)ಮಾಡಿ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲೂ ಬಾಡೂಟ ವಿತರಿಸುವಂತೆ ಪ್ರತಿಭಟಿಸಿದರು.

ಪ್ರಗತಿಪರ ಸಂಘಟನೆಗಳ ಮುಖಂಡರು ಯಾವುದೇ ಜಾತಿ, ಭೇದವಿಲ್ಲದೇ ಸಹಪಂಕ್ತಿಯಲ್ಲಿ ಕೂತು ಮುದ್ದೆ, ಕೋಳಿ ಸಾರು, ಕೋಳಿ ಮಾಂಸ, ಅನ್ನ-ಸಾಂಬಾರು ಹಾಗೂ ಮೊಟ್ಟೆಯನ್ನು ಸವಿಯುವ ಮೂಲಕ ಅಂದು ಕುವೆಂಪು ಅವರು ವಿಚಾರ ಕ್ರಾಂತಿಗೆ ಆಹ್ವಾನ ನೀಡಿದರೆ, ಇಂದು ನಾವು ಮಂಡ್ಯದ ಜನ ಆಹಾರ ಕ್ರಾಂತಿಗೆ ಕರೆ ನೀಡುತ್ತಿದ್ದೇವೆ ಎಂಬ ಸಂದೇಶ ರವಾನಿಸಿದರು.