ಜಿಮ್‌ ಮಾಲೀಕನನ್ನು ಶೂಟ್‌ ಮಾಡಿ ಹತ್ಯೆ; ತನಿಖೆ ಹಾದಿ ತಪ್ಪಿಸಲು ಸಿಸಿಟಿವಿ ಕದ್ದೊಯ್ದರು.!

ನವದೆಹಲಿ: ಜಿಮ್‌ ಮಾಲಕರೊಬ್ಬರನ್ನು ಶೂಟ್‌ ಮಾಡಿ ಹತ್ಯೆಗೈದ ಘಟನೆ ಪೂರ್ವ ದೆಹಲಿಯ ಪ್ರೀತ್ ವಿಹಾರ್ ಶುಕ್ರವಾರ (ಡಿ.30) ರಾತ್ರಿ ನಡೆದಿದೆ.

ಮಹೇಂದ್ರ ಅಗರ್ವಾಲ್ (45) ಹತ್ಯೆಯಾದ ಜಿಮ್ ಮಾಲಕ. ಅಗರ್ವಾಲ್ ಎನರ್ಜಿ ಜಿಮ್‌, ಸ್ಪಾ ಹಾಗೂ ಜಿಮ್‌ ಗೆ ಸಂಬಂಧಿಸಿದ ಸೌಲಭ್ಯಗಳನ್ನು ಮಾರುತ್ತಿದ್ದ ಅಂಗಡಿಯನ್ನು ಹೊಂದಿದ್ದರು. ಶುಕ್ರವಾರ ರಾತ್ರಿ 8 ಗಂಟೆಯ ವೇಳೆಗೆ ಗನ್‌ ಗಳನ್ನು ಹಿಡಿದುಕೊಂಡ ಬಂದ ಅಪರಿಚಿತರು ಕಚೇರಿಗೆ ಗೆ ನುಗ್ಗಿ ಶೂಟ್‌ ಮಾಡಿ ಹತ್ಯೆಗೈದಿದ್ದಾರೆ.

ಮೂವರು ಶಸ್ತ್ರಾಸ್ತ್ರಗಳನ್ನು ಹಿಡಿದುಕೊಂಡು ಬಂದಿದ್ದು, ಹಲವಾರು ಮಾಡಿ ಬುಲೆಟ್‌ ಫೈಯರ್‌ ಮಾಡಿದ್ದಾರೆ. ಪೊಲೀಸರ ಹಾದಿ ತಪ್ಪಿಸಲು ಆರೋಪಿಗಳು ಘಟನೆ ನಡೆದ ಜಾಗದ ಸಿಸಿಟಿವಿಯನ್ನು ಹೊತ್ತೊಯ್ದಿದ್ದಾರೆ.

ಸದ್ಯ ಪೊಲೀಸರು ಅಕ್ಕಪಕ್ಕದಲ್ಲಿರುವ ಸಿಸಿಟಿವಿಯನ್ನು ಸ್ಕ್ಯಾನ್ ಮಾಡಿ ಆರೋಪಿಗಳ ಪತ್ತೆ ಹಚ್ಚಲು ತನಿಖೆ ನಡೆಸುತ್ತಿದ್ದಾರೆ. ಕುಟುಂಬದ ಸದಸ್ಯರಲ್ಲಿ ಯಾರ ಮೇಲಾದರೂ ಅನುಮಾನವಿದೆಯೇ ಎಂದು ಕೇಳಿದ್ದಾರೆ.