ಮಾಜಿ ಫ‌ುಟ್ಬಾಲಿಗ ಕಾಲಿಯ ದುರ್ಮರಣ

ಚೆನ್ನೈ: ಈಸ್ಟ್‌ ಬೆಂಗಾಲ್‌ ತಂಡದ ಮಾಜಿ ಮಿಡ್‌ಫಿಲ್ಡರ್‌ ಕಾಲಿಯ ಕೊಲೊತುಂಗನ್‌ (40) ತಮಿಳುನಾಡಿನ ತಂಜಾವೂರಿನಲ್ಲಿ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ದುರಂತ ಸಾವು ಕಂಡಿದ್ದಾರೆ.
2003ರಲ್ಲಿ ಜಕಾರ್ತಾದಲ್ಲಿ ನಡೆದ “ಏಶಿಯನ್‌ ಕಪ್‌’ನಲ್ಲಿ ಈಸ್ಟ್‌ ಬೆಂಗಾಲ್‌ ಚಾಂಪಿಯನ್‌ ಆದಾಗ ಕಾಲಿಯ ಈ ತಂಡದ ಸದಸ್ಯರಾಗಿದ್ದರು. 2002-03 ಹಾಗೂ 2003-04ರಲ್ಲಿ ಸತತ 2 ವರ್ಷ ನ್ಯಾಶನಲ್‌ ಫ‌ುಟ್‌ಬಾಲ್‌ ಲೀಗ್‌ ಕಿರೀಟ ಏರಿಸಿಕೊಂಡಾಗಲೂ ಕಾಲಿಯ ಈಸ್ಟ್‌ ಬೆಂಗಾಲ್‌ ತಂಡದಲ್ಲಿದ್ದರು. ಈಸ್ಟ್‌ ಬೆಂಗಾಲ್‌ ಪರ ಕಾಲಿಯ 7 ಗೋಲು ಹೊಡೆದಿದ್ದು, ಒಂದನ್ನು 2002ರ ಡುರಾಂಡ್‌ ಕಪ್‌ ಫೈನಲ್‌ನಲ್ಲಿ ಆರ್ಮಿ ಇಲೆವೆನ್‌ ವಿರುದ್ಧ ದಾಖಲಿಸಿದ್ದರು.