Pro Kabaddi League: ಬೆಂಗಾಲ್‌ ವಾರಿಯರ್ ಮೇಲೆ ಪುಣೇರಿ ಪಲ್ಟಾನ್‌ ಸವಾರಿ

ನೋಯ್ಡಾ: ರವಿವಾರದ ಪ್ರೊ ಕಬಡ್ಡಿ ಮುಖಾಮುಖಿಯಲ್ಲಿ ಬೆಂಗಾಲ್‌ ವಾರಿಯರ್ ಮೇಲೆ ಸವಾರಿ ಮಾಡಿದ ಪುಣೇರಿ ಪಲ್ಟಾನ್‌ 51-34 ಅಂತರದ ಗೆಲುವು ಸಾಧಿಸಿದೆ.

ರೈಡರ್‌ಗಳಾದ ಮೋಹಿತ್‌ ಗೋಯತ್‌, ಆಕಾಶ್‌ ಶಿಂಧೆ (ತಲಾ 9 ಅಂಕ), ಪಂಕಜ್‌ ಮೋಹಿತೆ (6 ಅಂಕ) ಪುಣೇರಿ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಬೆಂಗಾಲ್‌ ರೈಡರ್‌ ನಿತಿನ್‌ ಕುಮಾರ್‌ ಅಮೋಘ ಪ್ರದರ್ಶನ ನೀಡಿ 13 ಅಂಕ ತಂದಿತ್ತರೂ ಉಳಿದವರ ಪ್ರಯತ್ನ ಸಾಲಲಿಲ್ಲ.

ಯೋಧಾಸ್‌ ಜಯ: ಅತ್ಯಂತ ರೋಚಕವಾಗಿ ಸಾಗಿದ ದ್ವಿತೀಯ ಪಂದ್ಯದಲ್ಲಿ ಯುಪಿ ಯೋಧಾಸ್‌ 44-42 ಅಂಕಗಳಿಂದ ಪಾಟ್ನಾ ಪೈರೆಟ್ಸ್‌ಗೆ ಸೋಲುಣಿಸಿತು.