ಟಾಸ್ಕ್ ಗೆಲ್ಲಿ ಉಪ್ಪಿ ಜೊತೆ ಊಟ ಮಾಡಿ: ಹೋಮ್ ಮಿನಿಸ್ಟರ್ ಸವಾಲಿದು

ಏಪ್ರಿಲ್ 01 ರಂದು ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಬಹುನಿರೀಕ್ಷಿತ ‘ಹೋಮ್ ಮಿನಿಸ್ಟರ್’ ಚಿತ್ರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಇದರ ಭಾಗವಾಗಿ ಚಿತ್ರ ತಂಡ ಇತ್ತೀಚಿಗೆ ಟ್ರೈಲರ್ ಬಿಡುಗಡೆಗೊಳಿಸಿದ್ದು, 18 ಲಕ್ಷಕ್ಕೂ ಅಧಿಕ ವ್ಯೂವ್ಸ್ ಪಡೆದಿದೆ. ಇದೀಗ ಪ್ರಚಾರ ಕಾರ್ಯದಲ್ಲಿ ತೊಡಗಿರುವ ಉಪೇಂದ್ರ ಹೊಸದೊಂದು ಟಾಸ್ಕ್ ಮೂಲಕ ಸುದ್ದಿಯಲ್ಲಿದ್ದಾರೆ.

ಹೌದು, ಉಪ್ಪಿ ತಮ್ಮ ಚಿತ್ರ ‘ಹೋಮ್ ಮಿನಿಸ್ಟರ್’ ಪ್ರಚಾರ ಅಂಗವಾಗಿ ತಮ್ಮ ಅಭಿಮಾನಿಗಳಿಗೆ ಒಂದು ಹೊಸ ಚಾಲೆಂಜ್ ನೀಡಿದ್ದು, ಬಂಪರ್ ಆಫರ್ ಕೂಡ ನೀಡಿದ್ದಾರೆ.

ಮನೆ ಕೆಲಸ ಹಾಗು ಮಡದಿ ಪ್ರಿಯಾಂಕಾ ಅವರ ಸೇವೆ ಮಾಡಿ ಉಣ ಬಡಿಸುತ್ತಿರುವ ವಿಡಿಯೋ ಹಂಚಿಕೊಂಡಿದ್ದಾರೆ. ‘ಓ ಗಂಡಸರೇ ನಿಮ್ಮ ಹೋಮ್ ಮಿನಿಸ್ಟರ್ ಜೊತೆ ಈ ಸವಾಲನ್ನು ಒಪ್ಪುವಿರಾ? ಎಂದು ಹ್ಯಾಷ್ ಟ್ಯಾಗ್ ‘ಹೋಮ್ ಮಿನಿಸ್ಟರ್’ ಎಂದು ಹಾಕಿ ಸೋಷಿಯಲ್ ಮೀಡಿಯಾ ದಲ್ಲಿ ಅಭಿಮಾನಿಗಳಿಗೆ ಟಾಸ್ಕ್ ನೀಡುವ ಮೂಲಕ ವಿಭಿನ್ನ ಕಾರ್ಯದಲ್ಲಿ ತೊಡಗಿದ್ದಾರೆ.

ಈ ಚಾಲೆಂಜ್ ಅಚ್ಚುಕಟ್ಟಾಗಿ ನಿರ್ವಹಿಸಿ ಗೆಲ್ಲುವ ಮೂವರು ಅದೃಷ್ಟಶಾಲಿಗಳಿಗೆ ‘ಹೋಮ್ ಮಿನಿಸ್ಟರ್’ಚಿತ್ರದ ಮೊದಲ ಪ್ರದರ್ಶನ ಟಿಕೆಟ್ ದೊರೆಯಲಿದೆ. ಉಪೇಂದ್ರ ಜೊತೆ ವಿಶೇಷ ಭೋಜನದಲ್ಲಿ ಪಾಲ್ಗೊಳ್ಳುವ ಸುವರ್ಣ ಅವಕಾಶ ವನ್ನು ಕಲ್ಪಿಸಲಾಗಿದೆ. ಈಗಾಗಲೇ ‘ಹೋಮ್ ಮಿನಿಸ್ಟರ್’ ಚಾಲೆಂಜ್ ಗೆ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದ್ದು, ರೀಲ್ಸ್ ಗಳು ಬರಲು ಪ್ರಾರಂಭವಾಗಿದೆ.