ತೊಡಂಬಿಲ: ಕೊಟ್ಟಿಗೆ ಭಸ್ಮ ; 2 ಲ. ರೂ. ಸೊತ್ತು ಹಾನಿ

ಬಂಟ್ವಾಳ : ಕಳ್ಳಿಗೆ ಗ್ರಾಮದ ತೊಡಂಬಿಲದಲ್ಲಿ ಜೂ. 4ರಂದು ಸಂಜೆ ಐವನ್‌ ಮೊಂತೆರೊ ಅವರ ವಾಸ್ತವ್ಯದ ಮನೆಯ ಕೊಟ್ಟಿಗೆ ಮತ್ತು ದಾಸ್ತಾನು ಮಳಿಗೆಗೆ ಆಕಸ್ಮಿಕ ಬೆಂಕಿ ಹಿಡಿದು ಸುಮಾರು 2 ಲಕ್ಷ ರೂಪಾಯಿ ಮೌಲ್ಯದ ಸೊತ್ತು ನಷ್ಟವಾಗಿದೆ.

ಬಿಸಿ ನೀರು ಕಾಯಿಸುವಾಗ ಆಕಸ್ಮಿಕ ಬೆಂಕಿಯ ಕಿಡಿ ಹತ್ತಿರದಲ್ಲಿದ್ದ ಕಟ್ಟಿಗೆಗೆ ಹಿಡಿಯುವ ಮೂಲಕ ಬೆಂಕಿ ಇತರ ಸೊತ್ತುಗಳಿಗೆ ಹಬ್ಬಿದ್ದಾಗಿ ಶಂಕಿಸಿದ್ದಾರೆ.ಘಟನೆಯಲ್ಲಿ ಯಾರಿಗೂ ಅಪಾಯವಾಗಿಲ್ಲ. ಬಂಟ್ವಾಳ ಅಗ್ನಿ ಶಾಮಕ ದಳವು ಸ್ಥಳಕ್ಕೆ ಆಗಮಿಸಿ ಬೆಂಕಿಯನ್ನು ನಿಯಂತ್ರಿಸಿತು.