ಆರೋಗ್ಯ ರಕ್ಷಕರನ್ನೇ ಭಕ್ಷಿಸುತ್ತಿದೆ ಕೋವಿಡ್ ವೈರಾಣು

ಆರೋಗ್ಯ ವೀರರು ಎಂಬ ಗೌರವಕ್ಕೆ ಪಾತ್ರರಾಗಿರುವ ವೈದ್ಯರು, ಆರೋಗ್ಯ ಸಿಬಂದಿಯನ್ನೇ ಕೋವಿಡ್ ವೈರಾಣು ಇನ್ನಿಲ್ಲದಂತೆ ಕಾಡಲಾರಂಭಿಸಿದೆ.

ಅದರಲ್ಲೂ ಶುಶ್ರೂಷಕಿಯರೇ ಹೆಚ್ಚಾಗಿ ಸೋಂಕಿಗೆ ತುತ್ತಾಗುತ್ತಿದ್ದು, ಸುರಕ್ಷತಾ ಸಾಧನಗಳ ಕೊರತೆಯೇ ಇದಕ್ಕೆ ಪ್ರಮುಖ ಕಾರಣ ಎಂದು ಅಂತಾರಾಷ್ಟ್ರೀಯ ಶುಶ್ರೂಷಕಿಯರ ಮಂಡಳಿ (ಐಸಿಎನ್‌) ಆತಂಕ ವ್ಯಕ್ತಪಡಿಸಿದೆ.

ಮಂಡಳಿಯು 30 ದೇಶಗಳಿಂದ ಕಲೆಹಾಕಿದ ಮಾಹಿತಿಯ ಪ್ರಕಾರ ಪ್ರಪಂಚಾದ್ಯಂತ ಸೋಂಕಿಗೆ ತುತ್ತಾಗಿರುವ ಆರೋಗ್ಯ ಸೇವಾ ಸಿಬಂದಿ ಸಂಖ್ಯೆ 20 ಲಕ್ಷದಷ್ಟಿದೆ. ಭಾರತದಲ್ಲೂ ಇದೇ ಪರಿಸ್ಥಿತಿ ಇದೆ.