ರಾಜಸ್ಥಾನ ಚುನಾವಣೆ: ಕಾಂಗ್ರೆಸ್‌ ಗೆಲುವು ಖಚಿತ: ಗೆಹಲೋತ್‌ ವಿಶ್ವಾಸ

ಹೊಸದಿಲ್ಲಿ : ರಾಜಸ್ಥಾನ ವಿಧಾನಸಭಾ ಚುನಾವಣೆಯನ್ನು ಕಾಂಗ್ರೆಸ್‌ ಪಕ್ಷ ಗೆಲ್ಲುವ ಬಗ್ಗೆ ರಾಜಸ್ಥಾನದ ಮಾಜಿ ಮುಖ್ಯಮಂತ್ರಿ ಅಶೋಕ್‌ ಗೆಹಲೋತ್‌ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಮುಖ್ಯಮಂತ್ರಿ ವಸುಂಧರಾ ರಾಜೆ ಅವರ ಹಾಲಿ ಸರಕಾರ ಸಾಕಷ್ಟು ಭ್ರಷ್ಟಾಚಾರ, ಅಕ್ರಮಗಳಲ್ಲಿ ತೊಡಗಿದ್ದು ಜನರಿಗೆ ಆಕೆಯ ಆಡಳಿತೆಯಿಂದ ಜುಗುಪ್ಸೆ ಬಂದಿದೆ. ಹಾಗಾಗಿ ಈ ಬಾರಿ ಜನರು ಬದಲಾವಣೆಯನ್ನು ಬಯಸಿ ಕಾಂಗ್ರೆಸ್‌ ಪಕ್ಷವನ್ನು ಅಧಿಕಾರಕ್ಕೆ ತರುವುದು ಖಚಿತ ಎಂದು ಗೆಹಲೋತ್‌ ಹೇಳಿದರು. 

ಚುನಾವಣೆಯನ್ನು ಗೆಲ್ಲುವುದಕ್ಕಾಗಿ ರಾಜೆ ಸರಕಾರ ಅಪಾರ ಪ್ರಮಾಣದ ಮಾಫಿಯಾ ಹಣವನ್ನು ಸುರಿಯುತ್ತಿದೆ; ಜನರಿಗೆ ಇನ್ನಿಲ್ಲದ ಆಮಿಷ ಒಡ್ಡುತ್ತಿದೆ ಎಂದು ಗೆಹಲೋತ್‌ ಆರೋಪಿಸಿದರು.