Advertisement
ಬಿಎಸ್‌ಸಿ ನರ್ಸಿಂಗ್‌ ಕೋರ್ಸ್‌ ಶುಲ್ಕ ಸುಮಾರು 60 ಸಾವಿರ ರೂ. ಗಳಿಸುವುದಕ್ಕಾಗಿ ಶಶಿಕುಮಾರ್‌ ಒಂದು ತಿಂಗಳಿಂದ ಕೂಲಿ ಮಾಡುತ್ತಿದ್ದಾರೆ. ಇವರ ತಂದೆ ಚಂದಪ್ಪ 20 ವರ್ಷಗಳಿಂದ ಉಡುಪಿ ಕರಾವಳಿ ಬೈಪಾಸ್‌ ಬಳಿ ವಾಸವಿದ್ದಾರೆ. ತಂದೆಯ ಸಂಪರ್ಕ ದಿಂದ ಮಗನಿಗೂ ಕೂಲಿ ಕೆಲಸ ಸಿಗುತ್ತಿದೆ. ಕಾಲೇಜು ಆರಂಭ ವಾಗುವುದಕ್ಕೆ ಮುನ್ನ 15 ರಿಂದ 20 ಸಾವಿರ ರೂ. ಸಂಪಾದಿಸಬಹುದು ಎಂಬ ವಿಶ್ವಾಸ ಶಶಿಕುಮಾರ್‌ ಅವರದು. ಪ. ಪಂಗಡದವರಾದ ಕಾರಣ ಸುಮಾರು 20 ಸಾವಿರ ರೂ. ವಿದ್ಯಾರ್ಥಿವೇತನ ಸಿಗುವ ಸಾಧ್ಯತೆ ಇದೆ.
ಈ ವರ್ಷ ನೀಟ್‌, ಸಿಇಟಿ ಪರೀಕ್ಷೆ, ಪಿಯುಸಿ ಇಂಗ್ಲಿಷ್‌ ಪರೀಕ್ಷೆಗಳಿದ್ದ ಕಾರಣ ಉಡುಪಿಗೆ ಬರುವುದು ತಡವಾಯಿತು. ಇಲ್ಲವಾಗಿದ್ದರೆ ಸುಮಾರು 40 ಸಾವಿರ ರೂ. ಸಂಗ್ರಹಿಸಬಹುದಿತ್ತು. ನಮ್ಮ ಕಡೆ ಉಡುಪಿ ರೀತಿಯಲ್ಲ. ಕೇವಲ ಶಾಲೆಯ ಓದಿನಿಂದಲೇ ನೀಟ್‌, ಸಿಇಟಿ ಪರೀಕ್ಷೆ ಎದುರಿಸಬೇಕು; ಹೆಚ್ಚುವರಿ ತರಬೇತಿ ಇಲ್ಲ. ಹೀಗಾಗಿ ನನಗೆ ನಿರೀಕ್ಷಿತ ರ್‍ಯಾಂಕಿಂಗ್‌ ಸಿಗಲಿಲ್ಲ. ವೈದ್ಯನಾಗುವ ಆಕಾಂಕ್ಷೆ ಹೊಂದಿದ್ದೆ. ಈಗ ಅದಕ್ಕೆ ಸಂಬಂಧಪಟ್ಟದ್ದೇ ಆದ ಬಿಎಸ್‌ಸಿ ನರ್ಸಿಂಗ್‌ ಕೋರ್ಸ್‌ ಆಯ್ದು ಕೊಂಡಿದ್ದೇನೆ ಎನ್ನುತ್ತಾರೆ ಶಶಿಕುಮಾರ್‌. ಬಾಗಲಕೋಟೆಯಲ್ಲಿ ಎಬಿವಿಪಿಯ ವರು ಬಡ ವಿದ್ಯಾರ್ಥಿಗಳಿಗೆ ಸಿಇಟಿ ಕೋಚಿಂಗ್‌ ನೀಡುತ್ತಿದ್ದರು. ಈ ಬಾರಿ ಕೊರೊನಾದಿಂದ ಅದಕ್ಕೂ ಕುತ್ತು ಬಂತು. ಇಲ್ಲವಾಗಿದ್ದರೆ ಅಂಕ ಗಳಿಕೆಯಲ್ಲಿ ಸಾಧನೆ ಸಾಧ್ಯವಾಗುತ್ತಿತ್ತು. ಈಗ ಕೋರ್ಸ್‌ ಪ್ರವೇಶದ ಬಳಿಕವೂ ಆನ್‌ಲೈನ್‌ ಕ್ಲಾಸ್‌ ಕೂಡ ನಡೆದಿಲ್ಲ ಎಂದು ಶಶಿಕುಮಾರ್‌ ಹೇಳಿದ್ದಾರೆ.
Related Articles
Advertisement
ಹಿಂದೆಯೂ ನೆರವಾಗಿದ್ದ ದುಡಿಮೆ2 ವರ್ಷಗಳ ಹಿಂದೆ ಪ.ಪೂರ್ವ ಕಾಲೇಜಿಗೆ ಪ್ರವೇಶ ಪಡೆಯುವ ಸಂದರ್ಭ ದಲ್ಲಿಯೂ ಶಶಿಕುಮಾರ್‌ ಕೂಲಿ ಕೆಲಸ ಮಾಡಿ ಶುಲ್ಕ ಹೊಂದಿಸಿದ್ದರು. ಆಗಲೂ ಅವರು ಉಡುಪಿಗೆ ಬಂದು ದುಡಿದಿದ್ದರು.