ಫ್ಯಾಮಿಲಿ ಬ್ಯುಸಿನೆಸ್ ಗಾಗಿ ಸಿಎಂ ಹುದ್ದೆ ಮೀಸಲಿಟ್ಟ HDK! ಬಿಜೆಪಿ

ಬೆಂಗಳೂರು: ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ವಿರುದ್ಧ ಭಾರತೀಯ ಜನತಾ ಪಕ್ಷ ತನ್ನ ಟ್ವೀಟರ್ ಖಾತೆಯಲ್ಲಿ ಸೋಮವಾರ ಮತ್ತೆ ಕಾಲೆಳೆದಿದ್ದು, ಕುಮಾರಸ್ವಾಮಿ ಕುಟುಂಬದ ವ್ಯವಹಾರ ನಡೆಸಲು ಸಿಎಂ ಹುದ್ದೆಯನ್ನು ಮೀಸಲಿಟ್ಟಿರುವುದಾಗಿ ಆರೋಪಿಸಿದೆ.

ಬಿಜೆಪಿ ಕರ್ನಾಟಕ ಟ್ವೀಟರ್ ಪೇಜ್ ನಲ್ಲಿ, ಕುಮಾರಸ್ವಾಮಿ ತಮ್ಮ ಅಧಿಕಾರಾವಧಿಯ ಮೊದಲ 1ಮತ್ತು 2ನೇ ತಿಂಗಳು ಸರ್ಕಾರ ಹೇಗೆ ರಚಿಸುವುದು ಎಂಬ ಬಗ್ಗೆ ಓಡಾಟ, 3 ಮತ್ತು 4ನೇ ತಿಂಗಳಲ್ಲಿ ಪತ್ನಿಯನ್ನು ಚುನಾವಣೆಯಲ್ಲಿ ಗೆಲ್ಲಿಸಲು ನೆರವು, 5 ಮತ್ತು 6ನೇ ತಿಂಗಳು ಮಗ ನಿಖಿಲ್ ನ ಸಿನಿಮಾ ಪ್ರಚಾರ ಹೇಗೆ ಮಾಡುವುದೆಂದು ಓಡಾಟ, ಇದೀಗ 7 ಮತ್ತು 8ನೇ ತಿಂಗಳಿನಲ್ಲಿ ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಮಂಡ್ಯದಲ್ಲಿ ಮಗನನ್ನು ಹೇಗೆ ಗೆಲ್ಲಿಸೋದು ಎಂಬ ತಂತ್ರಗಾರಿಕೆ ನಡೆಸುತ್ತಿರುವುದು.

ಹೀಗೆ ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿ ತನ್ನ ಕುಟುಂಬದ ಉದ್ಯಮ, ಕುಟುಂಬದವರ ಹಿತ ರಕ್ಷಣೆ ಮಾಡುವಲ್ಲಿ ಶ್ರಮವಹಿಸಿದ್ದು ಬಿಟ್ಟರೆ ರಾಜ್ಯದ ಅಭಿವೃದ್ಧಿ ಬಗ್ಗೆ ಗಮನ ಕೊಟ್ಟಿಲ್ಲ ಎಂಬುದಾಗಿ ಬಿಜೆಪಿ ಪರೋಕ್ಷವಾಗಿ ಟ್ವೀಟ್ ಮೂಲಕ ವ್ಯಂಗ್ಯವಾಡಿದೆ.