ಪುನೀತ್‌ ಸ್ಮರಣಾರ್ಥ ಉದ್ಯಾನವನ ಸ್ವಚ್ಛತೆ

ಲಿಂಗಸುಗೂರು: ಅಭಿನಂದನ್‌ ಸಂಸ್ಥೆಯ ಸಂಡೆ ಫರ್‌ ಸೋಲ್‌ ವರ್ಕ್‌ ಅಭಿಯಾನದಡಿ ಹಸಿರು ಲಿಂಗಸುಗೂರು ಸಮಿತಿ, ವಜ್ಜಲ್‌ ಅಭಿಮಾನಿಗಳ ಬಳಗದ ವತಿಯಿಂದ ದಿ| ಪುನೀತ್‌ ರಾಜ್‌ಕುಮಾರ್‌ ಹಾಗೂ ದಿ| ನ್ಯಾ| ವೆಂಕಟಾಚಲಯ್ಯ ಸ್ಮರಣಾರ್ಥ ಸಸಿ ನೆಡಲಾಯಿತು.

ಪಟ್ಟಣದ ಗಡಿಯಾರ ವೃತ್ತದ ಉದ್ಯಾನವನದಲ್ಲಿ ಈ ಕಾರ್ಯಗಳ ಜೊತೆಗೆ ಪ್ರತಿ ರವಿವಾರವನ್ನು ಸಮಾಜ ಸೇವೆಗೆ ಮೀಸಲಿಡುವ ಉದ್ದೇಶದಿಂದ ಆರಂಭಿಸಿದ ಸಂಡೆ ಫಾರ್‌ ಸೋಶಿಯಲ್‌ ವರ್ಕ್‌ ಎಂಬ ನೂತನ ಅಭಿಯಾನ ಯುವಕರನ್ನು ಸಾಮಾಜಿಕ ಸೇವೆಯತ್ತ ಸೆಳೆಯುವ ಕಾರ್ಯ ಮಾಡುತ್ತಿದೆ ಎಂದರು.

ಇದಕ್ಕೂ ಮುನ್ನ ಸಾರ್ವಜನಿಕ ಉದ್ಯಾನವನ್ನು ಸ್ವಚ್ಛಗೊಳಿಸಿ ಉದ್ಯಾನದ ಕಾಂಪೌಂಡ್‌ ಗೋಡೆ ಮತ್ತು ಬೆಂಚುಗಳಿಗೆ ಬಣ್ಣವನ್ನು ಹಚ್ಚಲಾಯಿತು. ತಾಲೂಕು ಬಿಜೆಪಿ ಯುವ ಮೋರ್ಚಾದ ಅಧ್ಯಕ್ಷ ಈಶ್ವರ ವಜ್ಜಲ್‌, ಹಸಿರು ಲಿಂಗಸುಗೂರು ಸಮಿತಿಯ ಪ್ರಭುಸ್ವಾಮಿ ಅತ್ತನೋರ್‌, ಭೀಮಸೇನ ಜೋಶಿ, ಅಮರೇಶ ಗಂಭೀರಮಠ, ರಾಜಶೇಖರ ಪಾಟೀಲ್‌, ಅಭಿನಂದನ್‌ ಸಂಸ್ಥೆಯ ಗೌರವಾಧ್ಯಕ್ಷರಾದ ಶಿವಪ್ರಸಾದ್‌ ಕ್ಯಾತನಟ್ಟಿ, ರಾಮಣ್ಣ ಹಂಪರಗುಂದಿ ಇದ್ದರು.